15:09, 26 - اقپان 2017 | GMT +5
تاعى ءبىر قازاق جىگىتى قىتايدى باعىندىردى
بەيجىڭ. قازاقپارات - 2016 -جىلدىڭ قورىتىندىسى بويىنشا قىتايدىڭ ۇزدىك انيماتورى بولىپ ەتنيكالىق قازاق جىگىت ارىسبەك نۇحان ۇلى تانىلدى، دەپ حابارلايدى قازاقپارات.
قىتاي تورەشىلەرى ارىسبەكتىڭ ەكى حالىق اراسىنداعى دوستىقتىڭ نىعايۋىنا كوپ ۇلەس قوسقانىن اتاپ ءوتتى. ارىسبەكتىڭ 8 مينۋتتىق «مەن جايلاۋدانمىن» اتتى مۋلتفيلمى ايبار دەگەن بالانىڭ ەرلىگىن باياندايدى ەكەن.
ايبار بالالىعىنا قاراماي اكەسى ەكەۋىنىڭ ءبىر وتار قويىن قورعايمىن دەپ قاسقىرلارمەن ارپالىسقان. بىلتىر ارىسبەكتىڭ مۋلتفيلمى قىتاي ستۋدەنتتەرى اراسىنداعى كينوفەستيۆالدىڭ 1-ورنىن، ال، ازيا جاستارىنىڭ كينوفەستيۆالىندە باس جۇلدە يەلەنگەن. قازىر ارىسبەك ۇلى جىبەك جولىنىڭ تاريحى تۋرالى 90 مينۋتتىق مۋلتفيلم جاساۋعا كىرىسكەن.
اۆتور: كەنجەكەي توقتامۇرات قىزى
