پارا العان مەملەكەتتىك قىزمەتشىگە سالىناتىن ايىپپۇل كولەمى ارتاتىن بولدى

استانا. قازاقپارات - پاۆلوردار وبلىسىندا پارا بەرگەن جانە پارا العان ازاماتتار سوتتالدى، دەپ حابارلايدى قازاقپارات ءتىلشىسى ق ر مەملەكەتتىك قىزمەت جانە سىبايلاس جەمقورلىققا قارسى ءىس- قيمىل اگەنتتىگىنىڭ باسپا ءسوز قىزمەتىنە سىلتەمە جاساپ.

رەسمي اقپاراتقا سايكەس، ۇستىمىزدەگى جىلى پاۆلودار وبلىسىندا جەكە تۇلعالاردىڭ لاۋازىمدى تۇلعالارعا زاڭسىز ماتەريالدىق سىيلىق بەرۋ فاكتىسى بويىنشا 3 فاكت، ال مەملەكەتتىك قىزمەتشىلەردىڭ زاڭسىز ماتەريالدىق سىيلىق الۋى بويىنشا 2 فاكت انىقتالدى.

اتالعان ىستەر پاۆلودار قالاسىنىڭ مامانداندىرىلعان اكىمشىلىك سوتىندا قارالدى. وسىلايشا، مەملەكەتتىك قىزمەتشىلەرگە سىيلىق ۇسىنعان ءۇش كىنالى تۇلعانىڭ ءار قايسىسىنا 200 ا ە ك ايىپپۇل سالىنسا، پارا العان ءبىر مەملەكەتتىك قىزمەتشىنىڭ جالعىز ءوزى 600 ا ە ك، ياعني 1 361400 تەڭگەنىڭ ايىپپۇلىن تولەۋگە مىندەتتەلدى.

قازىرگى كەزدە تاعى ءبىر مەملەكەتتىك قىزمەتشىنىڭ تۋرا سونداي ءىسى سوتتىڭ قاراۋىندا جاتىر. ايتا كەتەيىك، زاڭ بويىنشا مەملەكەتتىك قىزمەتتى اتقارۋ كەزىندە الىنعان سىيلىقتار 7 كۇننىڭ ىشىندە ارنايى مەملەكەتتىك قورعا تاپسىرىلۋى شارت.