قازاقستاندا ساياساتكەر بولعىسى كەلەتىن ايەلدەردىڭ سانى ءوسىپ كەلەدى

استانا. قازاقپارات - سوڭعى ءۇش جىلدا مەملەكەتتىك قىزمەتتە ايەل ادامداردىڭ سانى كوبەيىپ وتىر، دەپ حابارلايدى قازاقپارات ءتىلشىسى ق ر مەملەكەتتىك قىزمەت جانە سىبايلاس جەمقورلىققا قارسى ءىس- قيمىل اگەنتتىگىنىڭ باسپا ءسوز قىزمەتىنە سىلتەمە جاساپ.

«سوڭعى ءۇش جىلدا مەملەكەتتىك قىزمەتتەگى ايەل ادامداردىڭ سانى 54 پايىزدان 56 پايىزعا دەيىن كوبەيدى. سونىمەن بىرگە ساياسي قىزمەتتە جۇمىس ىستەيتىن ايەلدەر سانى 2015 -جىلدا 1 پايىزعا، ال 2016 -جىلى 0,4 پايىزعا ءوستى.

ناقتى سانمەن كەلتىرسەك، 2014 -جىلى قازاقستاندا ساياساتكەر ايەلدەردىڭ سانى 34 ادامدى قۇراسا، 2015 -جىلى - 39, ال 2016 -جىلى اتالعان كورسەتكىش 43 ادامعا دەيىن جەتتى» - دەيدى اگەنتتىكتىڭ مەملەكەتتىك قىزمەت دەپارتامەنتى مونيتورينگ جانە تالداۋ باسقارماسىنىڭ باسشىسى نۇرگۇل جاننازاروۆا.

جالپى، قازىرگى ۋاقىتتا مەملەكەتتىك قىزمەتتە 51151 ايەل ادام جۇمىس ىستەيدى. بۇل بارلىق مەملەكەتتىك قىزمەتشىلەردىڭ 55,5 پايىزىن قۇرايدى. وسىلايشا، مەملەكەتكە قىزمەت ەتىپ جۇرگەن ايەلدەردىڭ سانى 0,5 پايىزعا كوبەيىپ وتىر.

اۆتور: ارمان اسقاروۆ