ءتىس دارىگەرىنە بارعىڭىز كەلمەسە

استانا. قازاقپارات - ءتىس دارىگەرىنەن قورقاتىن ادامدار كوپ. ولار ونىڭ تابالدىرىن اتتاماس ءۇشىن ءتىسىنىڭ ساۋ بولاعىن قالايدى.

ال ءتىس اۋىرماۋ ءۇشىن نە ىستەۋ كەرەك؟

قۇرامىندا ءسىلتى (شەلوچ) كوپ تاعامدار جەڭىز. ءسىلتى سۇيەكتەردى قاتايتىپ، ساۋ بولۋىنا كومەكتەسەدى. ياعني، سىلتىگە باي تاعامداردى كوبىرەك جەسەڭىز، كاريەستىڭ پايدا بولۋىنىڭ الدىن الاسىز.

مۇنداي تاعامداردىڭ قاتارىنا كوكونىستەر مەن جەمىستەر كىرەدى.

قىشقىلدىڭ دەڭگەيىن تەڭدەستىرىڭىز. اعزادا قىشقىلدىقتىڭ كوبەيۋى pH تەپە-تەڭدىگىن بۇزىپ، كالتسيدىڭ ازايۋىنا اكەپ سوعادى. ال كالتسي سۇيەكتەردىڭ ساۋ بولۋىنا كوپ اسەرى بار. قىشقىل جانە قانتى كوپ تاعامداردى از قولدانۋعا تىرىسىڭىز.

كوكونىستەردى شيكىلەي جەڭىز. وتقا تيگەن كوكونىستەر قۇنارلى زاتتارىنان ايرىلىپ، جاسۋشالارعا پايدالى دارۋمەندەرى كەميدى.

تىم قۇرىعاندا، ارا اراسىندا شيكىلەي جەپ تۇرىڭىز، اعزاڭىز بارىنشا قۇنارلى زاتتاردى الۋى ءتيىس.
شاي اعاشىنىڭ مايىن قولدانىڭىز. كۇندەلىكتى ءتىس پاستاسىمەن قاتار، ءتىسىڭىزدى شاي اعاشىنىڭ مايىمەن تازالاڭىز. بۇل ماي اۋىز قۋىسىنداعى بارلىق باكتەريالاردى شايىپ، تىستەرىڭىزدىڭ ساۋ بولۋىنا زور ۇلەس قوسادى.

كوبىرەك سۋ ءىشىڭىز. سۋدان سىلەكەي قۇرالادى. سىلەكەيدە اۋىز قۋىسىنىڭ دەنساۋلىعىنا ماڭىزدى فەرمەنتتەر بار. جانە دە تىستەردى ميكروبتاردان قورعايدى. اتالعان كەڭەستەر ءتىسىڭىزدىڭ اۋىرماۋىنىڭ الدىن الاتىن قاراپايىم قاعيدالار. بۇل تەك قانا تىستەرىڭىزدى قورعاپ قويماي، اعزاڭىزدىڭ دا ساۋلىعىنا اسەر ەتەرى ءسوزسىز.

Massaget.kz