قازبا بايلىقتى يگەرۋدىڭ اۆستراليالىق ءادىسى ەل تاجىريبەسىنە ەنبەك

استانا. قازاقپارات - جامبىل وبلىسىنداعى مينەرالدى تىڭايتقىشتار زاۋىتى ۇجىمىمەن كەزدەسكەن ەلىمىزدىڭ ينۆەستيتسيا جانە دامۋ ءمينيسترىنىڭ ورىنباسارى تيمۋر توقتابايەۆ ءونىمدى ەكسپورتتاۋدىڭ اسا ءتيىمدى ەكەنىن جەتكىزدى.

بۇعان پرەزيدەنت بيىلعى جولداۋىندا نۇسقاعان ءۇشىنشى جاڭعىرتۋ مول مۇمكىندىك تۋعىزىپ وتىر. اسىرەسە ءتۇرلى سالالاردى ينۆەستيتسيالاۋ ءۇردىسىن توقتاتپاۋ ماڭىزدى. الداعى جىلدان باستاپ قازبا بايلىقتى يگەرۋدىڭ اۆستراليالىق ءادىسى ەل تاجىريبەسىنە ەنبەك. ونىڭ اياسىندا گەولوگيالىق بارلاۋ سالاسىنا اۋقىمدى ينۆەستيتسيالار تارتىلماق.

 تيمۋر توقتابايەۆ، ق ر ينۆەستيتسيا جانە دامۋ ءمينيسترىنىڭ ورىنباسارى:

 - باتىس اۆستراليادا 27 مىڭ ليسەنزيا بار. بىزدە گەولوگيالىق بارلاۋمەن اينالىساتىن 82 مەكەمە بولسا، وندا 15 مىڭ. ياعني بۇل قازاقستاننىڭ قىزمەت كورسەتۋ نارىعىن ەسەلەيدى. ءبىز بۇعان ۇمىتتەنەمىز جانە اۆستراليالىق ءادىس بەلگىلەگەن ەكونوميكالىق ۇتىمدىلىقتاردى كادەگە جاراتساق، وڭ ناتيجەگە قول جەتكىزەمىز.

www.24.kz