ديماش بۇگىن كەشكە اقتوبەگە كەلەدى
دەپ حابارلايدى قازاقپارات ءتىلشىسى.
اقتوبەدە جاس ءانشى ديماش قۇدايبەرگەندى كۇتىپ الۋعا دايىندىق باستالىپ كەتتى.
«ديماشتى قالاداعى ورتا، جوعارى وقۋ ورىندارىنىڭ جاستارىنىن قۇرالعان جانكۇيەرلەر كۇتىپ الادى. سونىمەن قاتار، وبلىستىق فيلارمونيا ۇجىمى دا اۋەجايدا كۇتەدى»، - دەدى وبلىستىق مادەنيەت باسقارماسى باسشىسىنىڭ ورىنباسارى قىدىرعالي ەرمۇحان.
ايتا كەتەيىك، اقتوبەدە تۋىپ- ءوسىپ، احمەت جۇبانوۆ اتىنداعى اقتوبە مۋزىكالىق مەكتەبىندە ءتالىم العان ديماش قۇدايبەرگەنمەن بىرگە ءان بايقاۋىنىڭ ءتۇسىرۋ توبى دا كەلە جاتىر. الدىن- الا تاراعان مالىمەت بويىنشا، اقتوبەدە جاس ءانشى ديماش تۋرالى ارنايى فيلم تۇسىرىلەدى.
ەسكە سالا كەتسەك، بۇگىن تۇندە ەلوردا اۋەجايىنا ۇشىپ كەلگەن ديماشتى ساۋساقپەن سانارلىق قانا جانكۇيەرلەر قاراسى كۇتىپ الدى.
اۆتور: التىناي ساعىندىقوۆا
