سۇيىكتىسىن قىزعانعان جىگىت اتىس شىعاردى
وقيعا 2016 -جىلدىڭ جەلتوقسان ايىندا "جەتىسۋ" ىقشاماۋدانىندا بولعان. وقيعا بەينەباقىلاۋ كامەراسىنا ءتۇسىپ قالعان، - دەپ حابارلايدى Patrul.kz.
سويتسەك، سول كۇنى قىز جىگىتىمەن بىرگە قالاداعى كافەلەردىڭ بىرىندە دەمالعان. وسى كەزدە ەر ادام كافەدەن كەتىپ قالىپتى. بىرنەشە ساعاتتان كەيىن ول قايتىپ كەلىپ، سۇيىكتىسىنىڭ جوق ەكەنىن بايقايدى. كەيىن ول قىزدىڭ كورشى داستارحاندا وتىرعان جىگىتپەن تانىسىپ، سونىمەن بىرگە كەتىپ قالعانىن انىقتايدى. قىزدىڭ بۇل ارەكەتىنە شىداي الماعان جىگىت ولاردىڭ قۇشاقتاسىپ تۇرعان ساتىندە اتىس شىعارعان. مۇنىمەن دە توقتاماي، قىزعانعان ەر ادام قارسىلاسىن ۇرىپ- سوققان. الماتى قالالىق ءى ءى د رەسمي وكىلى سالتانات ازىربەكتىڭ ايتۋىنشا، شابۋىل جاساعان جىگىت 10 كۇننەن كەيىن ۇستالعان. قازىرگى ۋاقىتتا ول ەشقايدا كەتپەۋ تۋرالى قولحاتپەن جىبەرىلىپتى. "قارۋ قولدانۋ، بۇزاقىلىق" بابى بويىنشا سوتالدى تەرگەۋ جۇرگىزىلىپ جاتىر.
