مىنا تاعامداردان ساقتانىڭىز! اعزاڭىزعا وتە زياندى

استانا. قازاقپارات -  كۇندەلىكتى تۇتىنىپ جۇرگەن كەيبىر ونىمدەردىڭ پايداسىنان گورى زيانى كوپ ەكەنىن بىلگەن بە ەدىڭىز؟  اعزاڭىزعا زيان اكەلەتىن ون ونىممەن تانىس بولىڭىز.

 1. مايعا قۋىرىلعان كارتوپ (چيپسى) . مايعا قۋىرىلعان كارتوپ ءوز بەتىنشە پايدالى تاعام ەمەس. ال چيپستەردە تابيعي ەشتەڭە قالمايدى: تەك كانتسەروگەندەر، ماي، اروماتيزاتورلار مەن دامدەۋىشتەر. چيپستەردى كۇندەلىكتى تۇتىنۋ ونكولوگيالىق اۋرۋلاردىڭ پايدا بولۋىنا، سونىمەن قاتار سالماق قوسۋعا اكەلەدى. بۇعان كارتوپ- فريدى دە جاتقىزۋعا بولادى.

 2. گازدى سۋسىن. كوپىرشىكتى بويالعان سۋسىن قانت قوسىلىپ، سۋعا ارالاستىرعان گۋاشتان دا زياندى. فاست- فۋدتى گازدالعان سۋسىنمەن ىشكەن ءجون دەيدى، ءبىراق بۇل دۇرىس ەمەس: گازدى سۋسىن قارىندى قايتا اشتىرتىپ، تاعى ءبىر گامبۋرگەر جەۋگە يتەرمەلەيدى.

 3. فاست- فۋد. زياندى تاعامداردىڭ قاتارىنا كىرىپ تۇرعانى تاڭ قالارلىق ەمەس شىعار. تەز دايىندالاتىندىعى جانە ارزاندىعىنان باسقا تاعى قانداي ارتىقشىلىعىن بىلەسىز؟ ەشقانداي ارتىقشىلىعى جوق. تەزىرەك بىردەڭە دايىنداپ جىبەرۋ كەرەك بولسا، ىرىمشىك، كوكونىس، سالات جاپىراقتارى مەن كريەۆەتكادان تۋرا سونداي بۋتەربرود جاساپ الۋعا بولادى. جانە ەشقانداي ءسوۋسسىز جانە مايونەزسىز.

 4. مايونەز. اڭگىمە دۇكەن مايونەزى جايلى. تاعام راتسيونىنان مۇلدە الىپ تاستاسا، ءبىر- ەكى اپتادا بەلىڭىز بىرنەشە سانتيمەترگە ارىقتاعانىن بايقايسىز. مايونەزدىڭ قاتارىنا كەتچۋپ پەن باسقا دا سوۋستاردى قوسۋعا بولادى. ولار اروماتيزاتورلار، ماي جانە دامدەۋىشتەردەن تۇرادى، ال تابيعي ونىمدەردەن ەشتەڭە جوق. ونىڭ ورنىنا مايلىلىعى تومەن قايماق پايدالانساڭىز دامدىرەك جانە پايدالىراق بولادى.

 5. تۇز جانە قانت. وزدەرىڭىز بىلەتىندەي، تۇز بانە قانتتى - اق ءولىم دەپ تە اتايدى. تۇز اعزادا سۋدىڭ ءجۇرىپ- وتۋىنە كەدەرگى كەلتىرەدى جانە كەرەك ەمەس جەرلەرگە جينالىپ قالادى. قانتپەن ءبارى بەلگىلى -  ارىقتاعىسى كەلەتىندەرگە بۇل ءنومىرى ءبىرىنشى جاۋ. بۇل ونىمدەردەن مۇلدە باس تارتۋ مۇمكىن ەمەس، الايدا تاعامدى قاتتى تۇزداماسا ءبىراز ۋاقىتتان كەيىن تاعامداردىڭ تابيعي دامىنە ۇيرەنىپ كەتۋگە بولادى. ال قانتتى بالمەن الماستىرۋ ءلازىم.

 6. الكوگول. بۇنىڭ اعزاعا زيانى جايىندا بارىنە ءمالىم. اپتاسىنا ءبىر رەت الكولوگ ءىشۋ -  بۇل الكوگوليزمنىڭ بەلگىسى، مەيرامدى اراقسىز وتكىزە الماۋ دا قاۋىپ تۋدىرارلىق. باستاپقىعا، ارزان الكوگولدەن، مىسالى، سىرادان باس تارتىپ ۇيرەنۋ كەرەك. تاعى ءبىر نۇسقا -  الكوگول ىشپەيتىن ورتامەن تانىسۋ.

 7. شۇجىقتار. الدىڭىزعا كەلگەن سوسيسكىلەر نەدەن، قاشان جاسالعانىن كىم بىلەدى؟ ەتتى تۇزداۋ مەن سۇرلەۋ ونىڭ ۇزاق ساقتالۋىن قامتاماسىز ەتەدى. ياعني، ۋاقىت وتە كەلە پايدالى ەلەمەنتتەرىنەن ايرىلادى، ال ولىكتىڭ ەلەمەنتتەرى قالادى. ءبىراق ءبىز ونى بايقامايمىز، ويتكەنى وعان ءتۇرلى اروماتيزاتورلار مەن دامدەۋىشتەر قوسىلعان.

 8. قۋىرىلعان تاعامدار. كۇنباعىس مايى مەن مارگاريندە قۋىرىلعان تاعامدار پايدالى قاسيەتتەرىنەن ايرىلادى، سونىمەن قاتار كانتسەروگەندەردى تاراتادى. وعان قوسا، قۋىرۋ كەزىندە ونىمدەگى تابيعي سۋ مايعا اينالادى، بۇل تاعامنىڭ كالورياسىن ارتتىرادى. ونىمدەردى ءسال قۋىرىپ، كەيىن دۋحوۆكادا ءپىسىرىپ السا كەرەمەت بولاتىن ەدى.

 9. تاتتىلەر. زياندى تاتتىلەردىڭ قاتارىنا مارمەلاد، شايناپ جەيتىن كونفەتتەر مەن لەدەنتسىلاردى جاتقىزۋعا بولادى. بۇلار ءبىر ءتىلىم تورتتان دا زيان. ولار كوبىنە جاساندى بوياعىش زاتتار مەن اروماتيزاتورلاردان تۇرادى. ءتاتتى جەگىڭىز كەلسە، بال، كەپتىرىلگەن جەمىستەر نەمەسە قارا شوكولادتى تاڭداڭىز.

 10. اق نان. بۇعان بارلىق ۇن تاعامدارىن قوسۋعا بولادى. جاڭا پىسكەن نان مەن بالىشتەر وتە ءدامدى، ءبىراق ولاردىڭ قۇرامىندا پايدالى ەشتەڭە قالمايدى. ويتكەنى، نان جاسايتىن ۇن بارلىق قۇنارلى وزەكتەرىنەن ايرىلعان. سوندىقتان ءداندى- داقىلدى نان كوبىرەك پايدالىراق.

Massaget.kz