قىتايدا ديماش تۇسىرىلگەن ۆيدەولار بۇعاتتالدى
الەۋمەتتىك جەلى پايدالانۋشىلارى ديماشتىڭ اندەرىن تىڭداي الماي جاتقاندىقتارىن، ونىڭ ۆيدەولارى اشىلماي تۇرعاندىعىن جارىسا جازعان. كەيىنىرەك بۇنداي جاعداي نە سەبەپتى ورىن العانى بەلگىلى بولدى.
Ifeng.com سايتىنىڭ حابارلاۋىنشا، «حۋنان ت ۆ» تەلەارناسىنىڭ سايتى مەن «Iqiyi.com» سايتىندا «Singer-2017» بايقاۋىنىڭ العاشقى 5 - كەزەڭىنىڭ تولىق ۆيدەولارى بۇعاتتالعان. وعان بايقاۋ قاتىسۋشىسى ءتان جين ەسىمدى انشىگە بايلانىستى وقيعا سەبەپ بولعان. ونىڭ قانداي وقيعا ەكەندىگى ازىرشە بەلگىسىز.
بۇل ەكى سايت - بايقاۋدىڭ بەينەكورسەتىلىمىن نەگىزگى تاراتۋشى اقپارات قۇرالدارى. سايتتاردا ءتان ءجيننىڭ ۆيدەولارىن شەكتەۋ ماقساتىندا تولىق نۇسقاداعى ۆيدەولاردى دا بۇعاتتاعان. ونىڭ ىشىندە قازاقستاندىق ديماش قۇدايبەرگەننىڭ دە ونەر كورسەتكەن ءساتى قامتىلعان. جانكۇيەرلەردىڭ جاپپاي جازىپ جاتقان پىكىرلەرى وسى وقيعاعا بايلانىستى بولسا كەرەك.
ال، باسقا انشىلەردىڭ جەكە وزدەرى عانا تۇسىرىلگەن بەينەروليكتەرىن كورۋگە شەكتەۋ قويىلماعان.
ايتا كەتەيىك، ءتان جين اتالعان بايقاۋدىڭ 3- جانە 5- كەزەڭدەرىندە ءبىرىنشى ورىن العان.
اۆتور: ەربول جانات
