عالىمدار: اشىعۋ ارقىلى ديابەتپەن كۇرەسۋگە بولادى

 استانا. قازاقپارات - اشىعۋ ديەتاسى ۇيقى بەزى جاسۋشالارىن قالپىنا كەلتىرۋگە مۇمكىندىك بەرەدى، دەپ سەندىرۋدە امەريكالىق عالىمدار.

مايدىڭ جوعارى مولشەرى ساقتالعان، كومىرسۋلارى مەن اقۋىزدارى از، تومەن كالوريالىق ديەتا ادام اعزاسىن «قايتا ىسكە قوسىپ» ، ۇيقى بەزى جاسۋشالارىنىڭ رەگەنەراتسيا مەحانيزمىن كۇشەيتەدى.

دارىگەرلەردىڭ پىكىرىنشە، وسىنداي جاڭالىق ديابەتپەن كۇرەسۋگە مۇمكىندىك بەرەدى.

Cell جۋرنالىنا جاريالانعان وڭتۇستىك كاليفورنيا ۋنيۆەرسيتەتى عالىمدارىنىڭ زەرتتەۋلەرى تىشقاندارعا تاجىريبە جۇرگىزىلگەننەن كەيىن ۇسىنىلدى. تىشقانداردى بىرنەشە ۋاقىت بويى اشتىقتا ۇستاعان، كەيىننەن قالىپتى ديەتاعا وتىرعىزعان.

اتالمىش تاجىريبە ادامدارعا دا جاسالىپ كورگەن. زەرتتەۋگە قاتىسۋشىلار بەس كۇن بويى مايدىڭ جوعارى مولشەرى ساقتالعان كومىرسۋلارى مەن اقۋىزدارى از تاعامداردى پايدالانعان. كەيىننەن 25 كۇن بويى كەز كەلگەن تاعامدى تۇتىنۋعا رۇقسات بەرىلگەن.

عالىمدار بايقاعانداي، اشىعۋ كەزەڭىندە تىشقانداردىڭ ۇيقى بەزىنىڭ جاسۋشالارىنداعى رەگەنەراتسيا مەحانيزمى كۇشەيگەن. وسىنداي ۇدەرىس ءتىن جاسۋشالارىندا دا بايقالعان. دارىگەرلەر وسىلايشا ادام اعزاسىنىڭ جۇمىسىن ءىشىنارا قالپىنا كەلتىرۋگە مۇمكىندىك بەرەتىنىن ءبىراز ۋاقىتتان بەرى ءتۇسىندىرىپ كەلەدى.

 الايدا، بۇل مەحانيزمنىڭ قالاي جۇزەگە اسىرىلاتىنى بەيمالىم ەدى جانە ونى اشىعۋمەن بايلانىستىرۋ ميعا قونىمسىز بولدى.