ديماشتى استانادا قارسى العان جانكۇيەر كوپ بولمادى

استانا. قازاقپارات - قىتايداعى «Singer-2017» ءان بايقاۋىنا قاتىسىپ جاتقان وتانداسىمىز ديماش قۇدايبەرگەن جوبانىڭ جەتىنشى كەزەڭىنىڭ تۇسىرىلىمىنەن كەيىن استاناعا ورالدى، دەپ حابارلايدى قازاقپارات.

ەلورداعا كەلىپ جەتكەن ديماشتى كۇتىپ العان جانكۇيەرلەر قاراسى ساۋساقپەن سانارلىق قانا بولدى، ولاردىڭ ءوزى قىتايدان كەلگەن قازاق جاستارى. ولار ءانشىنى قازاقستاندا توسىپ العاندىعىن قىتايلىق sina weibo الەۋمەتتىك جەلىسىندە جازۋدا.

 

ايتا كەتسەك، قازاقستاندىق ءانشى ءتۇسىرىلىم جۇمىستارى تولىق اياقتالعاننان كەيىن ەلگە ءۇرىمجى اۋەجايىنان ۇشىپ شىقتى. ديماشتىڭ اۋە رەيسىن الدىن- الا ءبىلىپ العان كوپتەگەن جانكۇيەر ونى «دۋدار- اي» انىمەن جولعا شىعارىپ سالدى.

 

 ەسكە سالا كەتەيىك، ديماش 23 -اقپان كۇنى «Singer-2017» ءان بايقاۋىنىڭ جەتىنشى كەزەڭىندە «دايديداۋ» ءانىن شىرقاپ، ءۇشىنشى ورىننان كورىندى. بۇل كەزەڭ ەفيرگە 4 - ناۋرىز كۇنى شىعادى.

  

اۆتور: مۇحتار قاليموللا ۇلى