يسلام ءدىنىن قابىلداعان كەنيا پرەزيدەنتى كوز جاسىنا ەرىك بەردى - كەسكىن

استانا. قازاقپارات - كەنيا پرەزيدەنتى ۋحۋرۋ كەنياتا باحرەين كورولدىگىنە جاساعان رەسمي ءىسساپارى بارىسىندا يسلام ءدىنىن قابىلداپ، مۇسىلمان اتاندى.

اسەرلى ءسات جايىنداعى بەينەبايان الەۋمەتتىك جەلىلەردە كەڭىنەن تارالۋدا.

بەينەباياندا قاتتى تولقىعان كەنيا پرەزيدەنتىنىڭ كوز جاسىنا ەرىك بەرگەن ءساتى دە كورسەتىلگەن. ال، جان- جاعىن قاۋمالاعان ادامدار ونى كەزەكپە- كەزەك قۇتتىقتاۋ ۇستىندە.

ايتا كەتەيىك، ۋحۋرۋ كەنياتا 2013 -جىلدان بەرى بيلىك قۇرىپ كەلەدى. ال ونىڭ اكەسى دجومو كەنياتا ازاتتىق ءۇشىن كۇرەس جۇرگىزگەن كوتەرىلىسشى قاھارمان رەتىندە «كەنيا حالقىنىڭ اكەسى» سانالادى.

ال، كەنيا حالقىنىڭ ءدىني قۇرىلىمىنا كەلەر بولساق، شامامەن جارتىسىنا جۋىعى پروتەستانتتىقتار. ال، تورتتەن ءبىرى كاتوليك دىنىندە. ءاربىر ونىنشى تۇرعىن يسلام ءدىنىن ۇستاناتىن كورىنەدى.

دەرەككوزى: muslim.kz