قازاقستاندا الەۋمەتتىك جاعدايى وسال ادامدار ءۇشىن ارەندالىق ۇيلەر سالىنادى

استانا. قازاقپارات - بۇگىن ورتالىق كوممۋنيكاتسيالار قىزمەتىندەگى بريفينگ بارىسىندا ينۆەستيتسيالار جانە دامۋ مينيسترلىگىنىڭ قۇرىلىس جانە تۇرعىن ءۇي- كوممۋنالدىق شارۋاشىلىق ىستەرى كوميتەتىنىڭ ءتوراعاسى مارحابات جايىمبەتوۆ قازاقستاندا الەۋمەتتىك جاعدايى وسال ادامدار ءۇشىن ارەندالىق ۇيلەر سالىناتىنىن ايتتى.

 ءبىراق، بۇنداي باسپانانى ساتىپ الۋ مۇمكىندىگى قاراستىرىلماعان، دەپ حابارلايدى قازاقپارات.

«مەملەكەت باسشىسىنىڭ تاپسىرماسى بويىنشا تۇرعىن ۇي قۇرىلىسىنا قولداۋ كورسەتۋ ءۇشىن «نۇرلى جەر» باعدارلاماسى ازىرلەنىپ، قابىلداندى. وعان «نۇرلى جەر» باعدارلاماسىنىڭ بۇرىنعى تالاپتارى مەن وڭىرلەردى دامىتۋ باعدارلاماسى جانە بارلىق تۇرعىن ءۇي ماسەلەلەرى ەنگىزىلدى. جاڭا باعدارلاما بەس نەگىزگى مىندەتتى ىسكە اسىرۋدى كوزدەيدى»، - دەدى مارحابات جايىمبەتوۆ.

كوميتەت ءتوراعاسىنىڭ ايتىپ وتىرعان بەس باعىتى مىنالار:

1. يپوتەكالىق نەسيەنىڭ قولجەتىمدىلىگىن ارتتىرۋ

2. جەكە قۇرىلىس سالىمشىلارىن تۇرعىن ءۇي سالۋعا ىنتالاندىرۋ

3. تۇرعىن ءۇي جيناق جۇيەسى ارقىلى نەسيەلىك تۇرعىن ءۇي سالۋ

4. حالىقتىڭ الەۋمەتتىك جاعىنان وسال توپتارى ءۇشىن ساتىپ الۋ مۇمكىندىگىنسىز جالعا بەرىلەتىن تۇرعىن ءۇي سالۋ

5. جەكە تۇرعىن ءۇي قۇرىلىسىن دامىتۋ.

اۆتور: كەنجەكەي توقتامۇرات قىزى