07:56, 24 - اقپان 2017 | GMT +5
كوشەدە جاياۋ كەلە جاتقان جولاۋشىنىڭ باسىنا كولىك دوڭعالاعى كەلىپ ءتيىپ، ەسىنەن تاندىرىپ تاستادى - كەسكىن
استانا. قازاقپارات - برازيليا تۇرعىنى روبەرتو كارلوس فەرناندەس كوشەدە ايەلىمەن جايباراقات اڭگىمەلەسىپ كەلە جاتىپ، كەزدەيسوق ۇشىپ كەلگەن كولىك دوڭعالاعىنىڭ باسىنا تيگەن سوققىسىنان ەسىنەن تانىپ قۇلادى، دەپ حابارلايدى Yahoo! News پورتالى.
وقيعا ورىن العان جەردەگى بەينەكامەرالارعا تۇسىرىلگەن ۆيدەو جەلىدە جاريالاندى.
ۆيدەودان برازيليانىڭ يپاتينگي قالاسىنىڭ تۇرعىنى كوشەدە كەلە جاتقاندا كوشەنىڭ قارسى بەتىنەن قاس پەن كوزدىڭ اراسىندا ۇلكەن جىلدامدىقپەن ۇشىپ كەلگەن دوڭعالاقتىڭ ونىڭ باسىنا ءدوپ تيگەن ءساتىن انىق كورۋگە بولادى. جابىرلەنۋشى اياق استىنان نە بولعانىن تۇسىنبەستەن، باسىنا تيگەن قاتتى سوققىنىڭ اسەرىنەن ەسىنەن تانىپ قالعان.
كەيىن انىقتالعانىنداي، كوشەنىڭ قارسى بەتىندە تىركەۋگە الىپ، سۇيرەپ كەلە جاتقان كولىكتىڭ دوڭعالاعى كۇتپەگەن جەردەن كولىكتەن شىعىپ كەتىپ، قاتتى جىلدامدىقپەن ۇشىپ كەتكەن.
قازىرگى تاڭدا باسىنان قاتتى جاراقات العان جابىرلەنۋشى اۋرۋحاعا جاتقىزىلىپ، ەم قابىلداۋدا. دارىگەرلەر ونىڭ دەنساۋلىعىنا ءقاۋىپ ءتونىپ تۇرماعانىن مالىمدەدى.
دەرەككوزى: شەتەلدىك ب ا ق
