دە ميستۋرا استانالىق پروتسەستىڭ باستاماشىلارىنا العىسىن ءبىلدىردى

استانا. قازاقپارات - ب ۇ ۇ- نىڭ سيريا جونىندەگى ارنايى ەلشىسى ستاففان دە ميستۋرا جەنەۆاداعى كەلىسسوزدەردىڭ اشىلۋى بارىسىندا استانالىق پروتسەستى جانە سيرياداعى ءبىتىمدى نىعايتۋعا قولعابىس ەتكەن رەسەي، يران، قازاقستان جانە تۇركيانىڭ كۇش- جىگەرىن جوعارى باعالادى، دەپ حابارلايدى قازاقپارات «ريا نوۆوستي» اگەنتتىگىنە سىلتەمە جاساپ.

«استانالىق پروتسەستىڭ باستاماشىلارى - رەسەي، تۇركيا، يران جانە قازاقستانعا سيرياداعى اتىستى توقتاتۋعا قوسقان ۇلەستەرى ءۇشىن العىس ايتۋعا رۇقسات ەتىڭىزدەر. ول وتە نازىك، دەگەنمەن، ول بار»، - دەدى دە ميستۋرا.

ونىڭ ايتۋىنشا، بۇل باستاما ساياسي ءۇردىستى جىلجىتۋ ءۇشىن مۇمكىندىكتەر «تەرەزەسىن» اشتى. «ءبىز بۇل تەرەزەنى پايدالانعىمىز كەلەدى»، - دەپ اتاپ ءوتتى ارنايى ەلشى.

اۆتور: گۇلميرا الياكپاروۆا