ۇرلانعان قۇدىق قاقپاقتارىن مەتال قابىلدايتىن ورىنداردان استانا اكىمدىگى تەكسەرۋگە الدى

استانا. قازاقپارات - ەلوردادا پوليتسيا قىزمەتكەرلەرى ۇرلانعان كابەل جانە كارىز قۇدىقتارىنىڭ قاقپاقتارىن قابىلدايتىن پۋنكتتەردى تەكسەرۋ ۇستىندە، دەپ حابارلادى قازاقپاراتقا ءى ءى د- نىڭ باسپا ءسوز قىزمەتىنەن.

استانا اكىمى اسەت يسەكەشەۆتىڭ تاپسىرماسى بويىنشا مەتال قابىلدايتىن 80 گە جۋىق پۋنكت تەكسەرىلدى. ولاردىڭ بارلىعى رەسمي تىركەلمەگەن جانە مەتالل قابىلداۋعا رۇقساتتارى جوق بولىپ شىقتى. 22 -اقپاندا ايناتاس كوشەسىندەگى مەتالل قابىلدايتىن پۋنكتتى تەكسەرۋ بارىسىندا سالماعى 200 كەلى اليۋميني كابەلى تاركىلەنىپ، الىندى.

36 جاستاعى مەتالل قابىلداۋشى ونى بەلگىسىز تۇلعادان قابىلداپ العانىن ايتتى. سونداي-اق، قالاداعى بارتولد كوشەسىندە ورنالاسقان پۋنكتەردىڭ بىرىندە پوليتسيا قىزمەتكەرلەرى تاعى 100 كەلى اليۋميني كابەلىن تاركىلەدى. اتالمىش فاكتى بويىنشا تەكسەرۋ جۇرگىزىلۋدە. تەكسەرۋ شارالارى بارىسىندا ءتۇرلى بۇزۋشىلىقتار ءۇشىن 30 دان استام تۇلعا اكىمشىلىك جاۋاپكەرشىلىككە تارتىلدى.

«سونىمەن قاتار، ءتۇستى جانە قارا مەتالل ۇرلاۋدىڭ 5 دەرەگى تىركەلىپ، كۇدىكتىلەر ۇستالدى. كورسەتىلگەن فاكتىلەر بويىنشا قازاقستان رەسپۋبليكاسى قىلمىستىق كودەكسىنىڭ «ۇرلىق» بابى بويىنشا سوتقا دەيىنگى تەرگەۋ جۇرگىزىلۋدە» ، - دەلىنگەن تاراتىلعان حابارلامادا. استانا قالاسى ءى ءى د كريمينالدى پوليتسيا باسقارماسى باستىعىنىڭ ورىنباسارى سامات قۇسەتوۆتىڭ ايتۋىنشا، مەتالل قابىلدايتىن 18 ورىن ءوز جۇمىستارىن ليتسەنزيا بويىنشا ىسكە اسىرىپ وتىرسا، 75 ىندە رۇقسات قۇجاتتارى جوق. پوليتسيا قىزمەتكەرلەرى رەيدتىك شارالاردى جالعاستىرۋدا.

اۆتور: گۇلميرا الياكپاروۆا