يراك جاساعى موسۋل اۋەجايىن سودىرلاردان ازات ەتتى

استانا. قازاقپارات - يراك جاساعى موسۋل قالاسى اۋەجايىنىڭ بارلىق اۋماعىنا باقىلاۋ ورناتتى. ول «يسلام مەملەكەتى» ەكسترەميستىك توبىنىڭ جيحادشىلارى باتىس بولىگىن جاۋلاپ العان قالانى باقىلاۋداعى ەڭ ماڭىزدى ستراتەگيالىق نىسانداردىڭ ءبىرى ەدى.

 موسۋل اۋەجايىندا جانە جاقىن ماڭداعى ءال- گازلاني اسكەري بازاسىنا يراك جاساعىنىڭ شابۋىل جاساعانى بەيسەنبى كۇنى تاڭەرتەڭ بەلگىلى بولدى. وپەراتسيا ا ق ش باسشىلىق ەتەتىن حالىقارالىق كواليتسيانىڭ قولداۋىمەن جۇرگىزىلگەن.

بي- بي- سي ءتىلشىسى كۆەنتين سوممەرۆيللدىڭ حابارلاۋىنشا، سودىرلار اۋەجايدىڭ ۇشۋ- قونۋ جولاعىن تولىعىمەن جويىپ جىبەرگەن، الايدا اۋەجاي اۋماعىن باقىلاۋعا الۋ ۇكىمەتتىك كۇشتەرگە سودىرلارعا وڭتۇستىكتەن كەلەتىن قوسىمشا كۇشتىڭ جولىن كەسۋگە مۇمكىندىك بەرەدى.