ءوزىن- ءوزى جۇمىسپەن قامتىعان ازاماتتار ماردىمسىز زەينەتاقى الىپ، مەديتسينالىق قىزمەتتەن قاعىلۋى مۇمكىن

استانا. قازاقپارات - قازاقستاننىڭ ءوزىن- ءوزى جۇمىسپەن قامتىعان ازاماتتارى كەلەشەكتە ماردىمسىز زەينەتاقى الىپ، مەديتسينالىق قىزمەتتەن قاعىلۋى مۇمكىن. بۇل جايىندا ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ كەڭەيتىلگەن القا ماجىلىسىندە ۆەدومستۆو باسشىسى تامارا دۇيسەنوۆا ءمالىم ەتتى،

دەپ حابارلايدى قازاقپارات.

دۇيسەنوۆانىڭ اتاپ وتۋىنشە، ءوزىن- ءوزى جۇمىسپەن قامتىعان حالىقتىڭ زەينەتاقى جيناعىنا قاتىستى پروبلەما بار. «بۇل رەتتە سىزدەردىڭ نازارلارىڭىزدى ءوزىن- ءوزى جۇمىسپەن قامتىعانداردىڭ 2013 -جىلدان بەرى وڭ ناتيجە كورسەتە باستاعاندىعىن ايتقىم كەلەدى. سالىق كوميتەتىندە تىركەلگەندەردىڭ 31 پايىزى سول جىلى زەينەتاقى جارناسىن تولەدى. 2016 -جىلى بۇل سان 40 پايىزعا جەتىپ، جارنا سوماسى ءبىر جىلدا 38,7 ميلليارد تەڭگەگە جەتتى. دەگەنمەن، وقتىن- وقتىن پروبلەمالار تۋىنداپ وتىرادى. ولار سالىق زاڭناماسىنا سايكەس 4 رەت اۋدارىم جاسايدى»، - دەدى مينيستر.

دەگەنمەن، ونىڭ سوزىنە قاراعاندا، ءوزىن- ءوزى جۇمىسپەن قامتىعاندار اراسىندا پروبلەمالى توپتار دا بار.

«ءونىمسىز ءوزىن- ءوزى جۇمىسپەن قامتىعاندار» دەپ اتالاتىن تاعى ءبىر توپ بار. ءبىز ول جايىندا ۇنەمى ايتىپ كەلەمىز. ەگەر وسى توپ قاتىسپايتىن بولسا، وندا ولار زەينەتاقىنىڭ ءبىر ءتۇرى - بازالىق زەينەتاقى عانا الادى. الداعى ۋاقىتتا ءبىزدى ىنتىماقتى ەمەس جيناقتاۋشى جۇيەسىنەن زەينەتاقىنىڭ ۇلكەن كولەمى كۇتەتىندىگىن ەسكەرسەك، وندا قازىردەن باستاپ بىزگە بۇل ساناتتاعى حالىقتى جيناقتاۋشى زەينەتاقى جۇيەسىنە جانە الداعى ۋاقىتتا ىسكە قوسىلاتىن مەديتسينالىق ساقتاندىرۋ جۇيەسىنە تارتۋ جۇمىستارىن جانداندىرۋىمىز قاجەت»، - دەدى تامارا دۇيسەنوۆا.

ونىڭ ايتۋىنشا، اعىمداعى جىلدىڭ 10 - ناۋرىزىنا دەيىن ەڭبەك مينيسترلىگى جەرگىلىكتى اتقارۋشى ورگاندار تاراپىنان بۇگىنگى تاڭدا الەۋمەتتىك تولەمدەر الىپ وتىرعان ادامداردىڭ سانى، زەينەتاقى جارناسىن تولەۋشىلەر جانە زەينەتاقى جۇيەسىنە قاتىسپاۋشىلار تۋرالى ناقتى اقپارات الاتىن بولادى.

«بۇل ادامدارمەن جەكە- جەكە جۇمىس ىستەۋ قاجەت. قاجەت بولعان جاعدايدا ولاردى جۇمىسپەن قامتۋ ورتالىقتارىندا تىركەگەن ءجون. ولارعا جۇمىسسىز نەمەسە ءونىمسىز جۇمىسپەن قامتىلعاندار ساناتىن بەرىپ، جۇمىسپەن قامتۋ باعدارلاماسى اياسىندا قولداۋ كورسەتۋ كەرەك»، - دەدى مينيستر.

اۆتور:   مارلان جيەمباي