اتامبايەۆتىڭ سوزىنە قىرعىزستان پرەزيدەنتىنىڭ اپپاراتى تۇسىنىك بەردى

بىشكەك. قازاقپارات - بىشكەكتە قازاقستاننىڭ قىرعىزستانداعى توتەنشە جانە وكىلەتتى ەلشىسى ايىمدوس بوزجىگىتوۆ قىرعىزستان رەسپۋبليكاسى پرەزيدەنتى اپپارات باسشىسىنىڭ سىرتقى ساياسي ماسەلەلەرگە جاۋاپتى ءبىرىنشى ورىنباسارى ساپار يساكوۆپەن كەزدەستى،

 دەپ حابارلايدى «قازاقپارات» ح ا ا- نىڭ قىرعىزستانداعى ءتىلشىسى.

كەزدەسۋ بارىسىندا قىرعىزستان پرەزيدەنتى اپپاراتىنىڭ وكىلى قىرعىزستان مەملەكەت باسشىسى المازبەك اتامبايەۆتىڭ «ەۆرونيۋس» تەلەارناسىنا بەرگەن سۇحباتى بارىسىندا ورىن العان جاعدايعا بايلانىستى قىنجىلاتىنىن ءبىلدىردى.

«قىرعىزستان پرەزيدەنتى قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتى شىن جۇرەگىمەن قۇرمەتتەيدى. قازاقستان مەن قىرعىزستان اراسىنداعى دوستىق جانە كورشىلىك قارىم- قاتىناس بۇرىنعىشا جوعارى دەڭگەيدە قالاتىنىن راستاۋ ماقساتىندا قىرعىزستان رەسپۋبليكاسىنىڭ سىرتقى ىستەر ءمينيسترى ەرلان ابدىلدايەۆقا  ق ر س ءى م باسشىسىمەن سەرىكتەستىكتى ارى قاراي دامىتۋ ماسەلەلەرىن جەكە تالقىلاۋ تاپسىرىلادى»، - دەپ سەندىردى س. يساكوۆ.