ەلەكتروندى ءتولقۇجاتتا ادامنىڭ بارلىق اۋرۋ- سىرقاتتارى ساقتالادى - ءبىرتانوۆ

استانا. قازاقپارات - ق ر دەنساۋلىق ساقتاۋ ءمينيسترى ەلجان ءبىرتانوۆتىڭ ايتۋىنشا، دەنساۋلىقتىڭ ەلەكتروندى قۇجاتتارىندا ادامنىڭ تۋعانىنان باستاپ، وسى ۋاقىتقا دەيىنگى بارلىق اۋرۋ- سىرقاتتارى ساقتالادى، دەپ حابارلايدى قازاقپارات ءتىلشىسى.

«كەلەسى جىلدان باستاپ بالانىڭ تۋعانىنان باستاپ بارلىق مالىمەتتەر ارنايى ەلەكتروندى ءتولقۇجاتقا جازىلادى. سوسىن ءاربىر ادامنىڭ جەكە كابينەتى بولادى. سول جەردە بارلىق ەم- دوم شارالارىمەن تانىسۋعا مۇمكىندىك جاسالادى»، - دەدى ءبىرتانوۆ بۇگىن ۇكىمەت ۇيىندە وتكەن باسپا ءسوز ءماسليحاتىندا.

ونىڭ ايتۋىنشا، اتالعان باستامانى ىسكە اسىرۋ ءۇشىن ارنايى ەلەكتروندى پلاتفورما جاساقتالادى. مەملەكەتتىك جانە جەكەمەنشىك ەمحانالار ءوز اقپاراتتىق جۇيەلەرىن سول پلاتفورماعا قوسىپ، «ءبىرىڭعاي تەرەزە» قاعيداتى بويىنشا قىزمەت كورسەتە الادى. اتالعان شارالاردىڭ بارلىعى «سيفرلىق قازاقستان - 2020» باعدارلاماسىندا كورسەتىلگەن.

ايتا كەتەيىك، بۇگىنگى بريفينگ كەزىندە ق ر دەنساۋلىق ساقتاۋ ءمينيسترى ەلجان ءبىرتانوۆ كوكساي شاتقالىندا قار كوشكىنىنەن جاراقات العان ساربازداردىڭ قازىرگى حال- جاعدايى تۋرالى ايتىپ بەردى.

سونداي- اق تۇركىستانداعى پسيحونيەۆرولوگيالىق ديسپانسەردىڭ باسشىلىعىنىڭ جۇمىستان قۋىلعانىن جەتكىزدى.

اۆتور: ارمان اسقاروۆ