نيۋ-يوركتە قاشىپ كەتكەن بۇقانى پوليتسيا بىرنەشە ساعات بويى قۋدى - كەسكىن
استانا. قازاقپارات - نيۋ-يورك شتاتىنىڭ كۋينس (Queens) اۋدانىندا قاشىپ كەتكەن بۇقانى بىردەن ۇستاي الماعان پوليتسيا اقىرى ارنايى وپەراتسياعا تىكۇشاقتى جۇمىلدىردى.
اقپاراتقا سايكەس، بۇقا بورداقىلاۋ الاڭىنان قاشىپ كەتكەن. عالامتورداعى روليكتەگى تۇرىنە قاراعاندا، زەڭگى بابانىڭ ءتولىن ۇستاۋ ءۇشىن پوليتسيا ونى ۇشىنا ۇيىقتاتىن ءدارى جاعىلعان جەبەمەن ونعا جۋىق رەت اتقىلاعان.
جانۋاردىڭ ءتىرى نىساناعا اينالعانىن ونىڭ ۇستىنە قادالعان ءبىر ەمەس، بىرنەشە جەبەدەن كورۋگە بولادى. اقىرى ىستىق اۋا رايى مەن قۋعىنعا شىداماعان بۇقا قولعا تۇسپەي، زورىعىپ ءولدى. قۋعىندى ا ق ش-تاعى بىرنەشە ارنا تىكەلەي ەفيردەن كورسەتىپ، جاڭالىققا قارىق بولىپ قالدى.
