التىن جالاتىلعان كولىكتەر مەن تىكۇشاق: قازاقستان باي- باعلاندارىنڭ تويى قالاي وتەدى؟
ءبىر- بىرىمەن جارىسقان جۇرت تويدى قۇلاق ەستىپ، كوز كورمەگەن ءسان سالتاناتپەن وتكىزگىسى كەلەدى. وسى ورايدا NUR. KZ پورتالى توي بيزنەستىڭ اينالاسىندا جۇرگەن مامانداردان ەلىمىزدەگى قالتالى ازاماتتاردىڭ توي ۇيىمداستىرۋشىلارعا قالاي «ەركەلەيتىنىن» سۇراستىردى.
قازىرگى تاڭدا اقشاسى بار ازاماتتار توي ۇيىمداستىرۋدى ءتۇرلى يۆەنت- اگەنتتىكتەرگە سەنىپ تاپسىراتىن بولعان. ولار ءوز كەزەگىندە تاپسىرىس بەرۋشىنىڭ ويىن ءدال تاۋىپ، سۇرانىسىن قاناعاتتاندىرۋى ءتيىس. اگەنتتىكتەر تويحانانى اسەمدەۋدەن باستاپ، كوزدىڭ جاۋىن الاتىن شوۋ- باعدارلاما، كەرەك دەسە اسپانداعى «جۇلدىزداردى» شاقىرىپ تويدى ەستەن كەتپەستەي ەتىپ اتقارۋدى ءوز موينىنا الادى.
«ءبىزدىڭ كومەگىمىزگە جۇگىنەتىندەر كوپ. تاپسىرىس بەرۋشىنىڭ تىلەگىنە ساي شوۋ باعدارلاما جاساپ بەرەمىز. اسابا تاۋىپ بەرەمىز. سونداي- اق، ارينە ەسترادا جۇلدىزدارىن شاقىرامىز» ، - دەيدى Rasl event اگەنتتىگىنىڭ وكىلى راسۋل ءوز قىزمەتىن تانىستىرا كەلە.
تويدىڭ تاعى ءبىر ماڭىزدى تۇسى - جاستاردىڭ كۇندىزگى قىدىرىسى. ەلىمىزدە سوڭعى جىلدارى تىكۇشاق جالدايتىن جاستار تابىلىپ جاتىر. توي ۇيىمداستىرۋشىلاردىڭ ايتۋىنشا ونى جالداۋ ەلوردادا ساعاتىنا 1000 دوللاردان باستالادى ەكەن.
استانالىق اگەنتتىك وكىلى سونداي- اق جاستاردىڭ قانداي كولىكتەردى ءجيى جالداپ جۇرگەنىن ايتىپ قالدى.
«جاستار Mercedes, ROLLS- ROYCE ، Hummer جانە Bentley سىندى ليۋكس ساناتتى كولىكتەردى جالدايدى. توي كورتەجىنىڭ جۇماعى دەپ شىمكەنت پەن الماتىداعى كولىكتەردى ايتۋعا بولادى. ول جاقتا شەرتىپ ءجۇرىپ تاڭداپ الاسىز » ، - دەيدى راسۋل احمەت ۇلى.
قالتالى ازاماتتاردىڭ تويى قازىرگى تاڭدا جۇلدىزسىز وتپەيتىن بولعان. وعان كۋا ۇشاقتان ۇشاققا سەكىرىپ، ءتۇرلى قالالارداعى سالتاناتتى كەشتەردىڭ كوركى بولىپ جۇرگەن ءان ورىنداۋشىلاردىڭ كوپتىگى. توي ۇيىمداستىرۋشىلاردىڭ ايتۋىنشا، وتاندىق جۇلدىزداردىڭ تويدا ونەر كورسەتۋ باعاسى ءارتۇرلى. ول ءارتىستىڭ قانشالىقتى تانىمال ەكەندىگىنە جانە قاي قالادان كەلەتىنىنە بايلانىستى.
«ەگەر ءانشى استانادان بولسا وندا ءانشىڭىز 2000 دوللارعا كەلىسۋى مۇمكىن. ال الماتىدان، باسقا قالالاردان كەلسە ونىڭ ءارى- بەرى ۇشاق بيلەتى، قوناق ءۇيى قوسا ەسەپتەلەدى. ول سىزگە 3000-8000 دوللارعا اينالادى» ، - دەيدى راسۋل احمەت ۇلى.
ونىڭ ايتۋىنشا، استانادا ۇيىمداستىرىپ جۇرگەن تويلارعا رەسەيلىك جۇلدىزدار ءجيى كەلەدى ەكەن.
«ونىڭ سانىنا جەتە الماسپىن. Mband, اننا سەداكوۆا، ەگور كريد، بيانكا، پولينا گاگارينا، سوسو پاۆلياشۆيلي.. .» ، - دەپ ساناپ شىقتى ول.
ناعىز ۇلان- اسىر تويلار وڭتۇستىكتە وتەتىنى بەلگىلى.
شىمكەنتتە تويدىڭ فوتو- ۆيدەو تۇسىرىلىمىمەن اينالىسىپ جۇرگەن كوركەمبەك دوسىمبەكوۆ تە NUR. KZ پورتالىمەن وسى ۋاقىت ارالىعىندا ءوز كوزىمەن كورگەن ايرىقشا تويلار تۋرالى ەستەلىكتەرىمەن ءبولىستى.
«ءبىز ۇنەمى سونداي وليگارحتاردىڭ تويىندا جۇرەمىز. بىلايعى جۇرتقا قالادا ونداي «ۇلكەن» ادامداردىڭ بار ەكەنى بىلىنبەيدى. تويىنا بارساڭ، شەتەلدە جۇرگەندەي بولاسىڭ» ، - دەيدى اۋەسقوي فوتوگراف.
ونىڭ ايتۋىنشا، شىمكەنتتىك تويدا قازاقستاننىڭ بۇكىل جۇلدىزدارى جۇرەدى. كوركەمبەك كونسەرتتەرگە وسىنشا جۇلدىزدىڭ جينالاتىنىنا كۇمان كەلتىرەدى.
«بۇل جاقتا ەلىمىزگە تانىمال بارلىق جۇلدىزدار جۇرەدى. ويلاپ قاراساڭ كونسەرتتەرگە بۇلاي جينالمايدى. شىمكەنتتىڭ تويىندا جۇرگەن سياقتى ءبارى. تويدىڭ ءوزى كونسەرت سياقتى وتەدى. قازاقستان بىلاي تۇرسىن، شەتەلدەن، رەسەيدەن جۇلدىزدار كەلىپ جاتىر. ءوزىم تالاي رەت ماكسيم گالكين، نيۋشا، فيليپپ كيركوروۆتاردىڭ كەلىپ ونەر كورسەتكەن تويلاردى كوردىم» ، - دەپ كورگەنىمەن ءبولىستى كوركەمبەك دوسىمبەكوۆ.
قالتالى قازاقستاندىق جاستار ۇيلەنۋ تويىندا قالاداعى ارنايى دەمالىس اۋماعىندا قىدىرعاندى ءجون كورەدى. ولار كوبىنەسە جابىق تۇردە وتكىزىلەدى.
جاستار كۇندىز التىن، كۇمىس جالاتىلعان قىمبات كولىكتەرمەن قالا كوشەلەرىندە سالتانات قۇرىپ كوڭىل كوتەرەدى.
«ەشتەڭەگە تاڭ قالمايمىز. قالتالىلار تويعا ەلدە جوق ماشينا جالدايدى. بىزبەن سويلەسىپ كەلىسۋگە كەلگەن كەزدە باي ەكەنى بايقالمايدى. بارساڭ، توي سارايدا ءوتىپ جاتادى. تويلارىنداعى تاعامدارىنىڭ ءوزى ەرەكشە. كۇندەلىكتى جەپ جۇرگەن تاعام ەمەس. قىمبات. ديزاينەرلىك اسەمدەۋ ارقىلى تويحانانىڭ ءىشىن ادام تانىماستاي وزگەرتىپ جىبەرەتىندەر بار. ءبارىن ءتىرى گۇلدەرمەن كومكەرەدى» ، - دەيدى ول.
قىمبات تويلاردى ءتۇسىرىپ جۇرگەن جىگىتتەر ءوز قىزمەتىن ساپاسىنا قاراي جوعارى باعالاپ وتىر.
« ءبىز فوتو- ۆيدەونى 2500 دوللارعا تۇسىرەمىز. ونىڭ ىشىنە اۋەتۇسىرىلىمى، كران، مونتاجى بار» ، - دەيدى فوتو- ۆيدەووپەراتور.
كوركەمبەك جەلىدەن جاساعان جۇمىستارىن كورسەتتى. الايدا، ونىڭ ايتۋىنشا ناعىز اۋزىڭىزدىڭ سۋى قۇرىپ كورەتىن تويلاردى توي يەلەرى جەلىگە جۇكتەگەن جەرىنەن الدىرتىپ تاستاعان.
ەستىمەگەن ەلدە كوپ. توي مامانى شىمكەنتتىك ءبىر سۇندەت تويعا جىلقى ەمەس، سيركتەن ءپىل اكەلىپ كىرگىزگەنىن ۇزىنقۇلاقتان ەستىگەنىن ايتتى.
