بيلىك پارانجى مەن نيقابقا زاڭ جۇزىندە تىيىم سالماق
تىيىم مەكتەپتەر مەن ۋنيۆەرسيتتەردە ىسكە اسىرىلاتىن بولادى. سونداي-اق اتالمىش كيىممەن جۇمىسقا كەلۋگە جانە كولىك جۇرگىزۋگە تىيىم سالىنباق. ىشكى ىستەر ءمينيسترى يواحيم گەرماننىڭ ايتۋىنشا، بەت-الپەتتى جاسىرۋ ءداستۇرى گەرمانياداعى اداممەن قارىم-قاتىناس مادەنيەتىنە قايشى كەلەدى.
ءمينيستردىڭ اتاپ وتۋىنشە، قارىم- قاتىناس دەموكراتيالىق قوعام شارتتارىنىڭ ءبىرى بولىپ تابىلادى. تىيىمعا قارسى شىعۋشىلار مۇنىڭ پراكتيكالىق ءمانى از ەكەنىن ايتۋدا، سەبەبى باۆاريادا مۇسىلماندار كوپ ەمەس. تىيىمعا قارسى ادامداردىڭ پىكىرىنشە، بۇل شارا پوپۋليستىك(جالعان ۋادە) بولىپ تابىلادى جانە وسى جىلعى قىركۇيەككە جوسپارلانعان فەدەرالدىق پارلامەنت سايلاۋىنىڭ جاقىنداۋىمەن قابىلدانىپ وتىر.
جەرگىلىكتى پارلامەنتتە دەپۋتاتتىق ورىنداردىڭ باسىم بولىگى حريستياندىق- الەۋمەتتىك وداققا تيەسىلى. پىكىر بىلدىرۋشىلەر اتاپ وتكەندەي، زاڭ جوباسى جازعى كانيكۋل باستالعانعا دەيىن قابىلدانۋى مۇمكىن.
