كوكتەمدە قۇستاردى اتۋعا تىيىم سالىندى
«بۇعان كوپ فاكتورلار ىقپال ەتتى. بىرىنشىدەن، كوكتەمگى اڭشىلىق قۇستاردىڭ ۇيا سالۋ ناۋقانىنا كەرى اسەر ەتەدى. بۇل رەتتە ەڭ الدىمەن بەلسەندى ءارى رەپرودۋكتيۆتىك جاعىنان باعالى اتالىقتار اتىپ الىنىپ، بۇل ءوز كەزەگىندە تۇرلەردىڭ گەندىك قورىن ناشارلاتادى»، - دەپ توقتالدى ورمان شارۋاشىلىعى جانە جانۋارلار دۇنيەسى كوميتەتى ءتوراعاسىنىڭ مىندەتىن اتقارۋشى مارلەن اينابەكوۆ ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
ونىڭ سوزىنە قاراعاندا، عىلىمي ۇيىمداردىڭ زەرتتەۋىندە قۇستاردىڭ پوپۋلياتسياسى 2 ميلليونعا ازايعان.
«ءبىز اڭشىلىق شارۋاشىلىقتارمەن، زوولوگيا ينستيتۋتىمەن جانە قازاقستان بيوالۋان تۇرلىلىكتى ساقتاۋ قاۋىمداستىعىمەن بىرگە رەسپۋبليكانىڭ بارلىق اۋماعىندا كوكتەمگى اڭ اۋلاۋ كەزىندە جابايى قۇستاردى اۋلاۋعا تىيىم سالۋ ماسەلەسىن پىسىقتادىق. اتالعان عىلىمي جانە قوعامدىق ۇيىمدار قۇستاردىڭ ۇيا سالۋ كەزەڭىندە كوكتەمگى اڭ اۋلاۋعا تىيىم سالىنۋىنا قولداۋ ءبىلدىردى»، - دەدى ول.
وسى رەتتە كەم دەگەن ءۇش جىلعا بۇل شەكتەۋدى ساقتاۋ ۇسىنىسى قاراستىرىلدى. تۇرلەر بويىنشا بۇل تىزىمدە ۇيرەكتەر مەن وزگە دە جىل قۇستارى قامتىلىپ وتىر.
اتاپ ايتقاندا، ءتيىستى شەشىمدى زەردەلەۋ كەزىندە رەسەيلىك تاجىريبە ەسكەرىلدى. كورشىلەس ەلدە اڭشىلىققا شەكتەۋ 10 جىلعا ەنگىزىلگەندىكتەن، پوپۋلياتسيا 5 ميلليونعا ارتقان كورىنەدى. «پوپۋلياتسيا ءتيىستى دەڭگەيگە جەتكەن كەزدە، اڭشىلىقتى قايتا اشۋعا بولادى»، - دەدى اينابەك.
مينيسترلىكتىڭ مالىمەتىنشە، جابايى قۇستاردىڭ سانى ازايىپ وتىرعاندا، براكونەرلەردىڭ سانى كوبەيىپ بارادى. 2016 -جىلعى كوكتەمگى اڭ اۋلاۋ كەزەڭىندە ەل اۋماعىندا اكىمشىلىك قۇقىق بۇزۋشىلىق بويىنشا 758 فاكتى تىركەلدى. ال 2015 -جىلى زاڭسىز اڭ اۋلاۋدىڭ 636 فاكتىسى تىركەلگەن بولاتىن. ياعني، اڭ اۋلاۋ قاعيدارلارىنىڭ بۇزىلۋى ارتا تۇسۋدە.
«ەگەر دە زاڭ بۇزۋشىلىقتار ورىن السا، ءبىز اكىمشىلىك ايپپۇلداردى سالامىز. قازىرگى كەزدە نورماتيۆتىك- قۇقىقتىق اكتىلەردى قايتا قاراستىرىپ جاتىرمىز جانە ايپپۇل بويىنشا تۇزەتۋلەردى پارلامەنتكە ەنگىزۋدەمىز. مەنىڭ ويىمشا، ايىپپۇل كولەمى ءبىر قۇس ءۇشىن 40-50 مىڭ تەڭگەگە دەيىن جەتەدى. ۇيا سالۋ كەزەڭى تولىق اياقتالىپ، بالاپاندارى قاناتتانعاننان كەيىن كۇزدە اڭشىلىق ماۋسىمى اشىلادى»، - دەدى ول.
اۆتور: رۋسلان عابباسوۆ
