يران رەسەيمەن مۇنايدى تاۋارعا ايىرباستاۋ كەلىسىمىن جاساستى
يراندىق اقپارات قۇرالدارى كەلىسىم تۋرالى يراننىڭ مۇناي ءمينيسترى بيدجان نامدار زانگانەح رەسەي ەنەرگەتيكا ءمينيسترى الەكساندر نوۆاكپەن تەگەرانداعى كەزدەسۋدەن سوڭ تولىق ايتىپ بەرگەنىن حابارلاپ جاتىر.
«ارينە، ءبىز كەلىسىمگە بۇگىن- اق قول قويۋعا دايىن ەدىك، ءبىراق رەسەيلىك ارىپتەسىمىز ايروپورتقا اسىعىپ جاتىر ەدى» دەدى مينيستر. ول كوپتەگەن رەسەيلىك كومپانيالار يراندىق كومپانيالارمەن سەرىكتەستىك مەموراندۋمدارىن جاساسىپ ۇلگەرگەنىن ايتىپ، «ءبىز تاۋارعا مۇناي ايىرباستاۋ جاعىن تالقىلادىق» دەدى.
مۇناي ساۋداسى الەمدىك نارىقتا ا ق ش دوللارىندا جۇرگىزىلگەندىكتەن يرانعا باسقا ەلدەرگە مۇناي ساتۋ قيىنعا سوعىپ تۇر. ويتكەنى ا ق ش سانكسيالارى يرانعا دوللار كىرگىزۋدى شەكتەيدى. سول سەبەپتى يران بيلىگى ارا- تۇرا بارتەر ءادىسىن قولدانادى. زانگانەح رەسەي و پ ە ك- ءتىڭ مۇناي ءوندىرۋ تۋرالى شەشىمىن قولداپ، ءوندىرىس كولەمىن كۇنىنە 300 مىڭ باررەلگە دەيىن قىسقارتاتىنىن ايتتى.
«ازاتتىق» جاڭالىقتارى
