يمانعالي تاسماعامبەتوۆ ر ف سىرتقى ىستەر ءمينيسترى سەرگەي لاۆروۆپەن كەزدەستى
ماسكەۋ. قازاقپارات - ر ف- داعى قازاقستان رەسپۋبليكاسىنىڭ توتەنشە جانە وكىلەتتى ەلشىسى يمانعالي تاسماعامبەتوۆ ر ف سىرتقى ىستەر ءمينيسترىنىڭ ورىنباسارى، ستاتس- حاتشى گريگوري كاراسينگە سەنىم گراموتالارىنىڭ كوشىرمەسىن تاپسىردى،
دەپ حابارلادى ر ف- داعى ق ر ەلشىلىگىنىڭ باسپا ءسوز قىزمەتىنە سىلتەمە جاساپ ماسكەۋدەن «قازاقپارات» ح ا ا مەنشىكتى ءتىلشىسى.
سەنىم گراموتالارى كوشىرمەسىن تاپسىرۋ راسىمىنەن كەيىن يمانعالي تاسماعامبەتوۆ ر ف سىرتقى ىستەر ءمينيسترى سەرگەي لاۆروۆپەن كەزدەستى. اڭگىمە بارىسىندا تاراپتار اعىمداعى جاعدايدى، رەسەيلىك- قازاقستاندىق ىنتىماقتاستىقتىڭ پەرسپەكتيۆالارىن، ينتەگراتسيالىق قۇرىلىمدار اياسىندا ەكى ەلدىڭ ءوزارا ءىس- قيمىلىن، وڭىرلىك جانە حالىقارالىق پروبلەمالاردىڭ وزەكتى ماسەلەلەرىن تالقىلادى.
تاسماعامبەتوۆ لاۆروۆپەن قازاقستاندىق- رەسەيلىك قاتىناستاردىڭ پەرسپەكتيۆالارىن تالقىلادى.
قازاقستان ەلشىسى ر ف س ءى م باسشىلىعىنا ب ۇ ۇ جانىنداعى رەسەيدىڭ تۇراقتى وكىلى ۆيتالي چۋركيننىڭ قايتىس بولۋىنا بايلانىستى كوڭىل ايتتى جانە سمولەنسك الاڭىنداعى رەسەيلىك سىرتقى ساياسي ۆەدومستۆو عيماراتىنا كىرەبەرىستەگى ەسكەرتكىشكە گۇل شوقتارىن قويدى.
