الەمدەگى ەڭ قىمبات قىلىش

استانا. قازاقپارات - قىلىش - جاۋگەرشىلىك زامانداعى باتىردىڭ بەس قارۋىنىڭ ءبىرى. قازىرگى وق- ءدارىنىڭ زامانى كەلمەي تۇرىپ، سوعىس كەزىندە قانجار، قىلىش سىندى سۋىق قارۋ تۇرلەرى پايدالانىلعان.

ءار پاتشالىقتىڭ وزىنە ءتان قىلىش تۇرلەرى بار. ءبىرىنىڭ وزگەشەلىگى وتكىرلىگى بولسا، ءبىرىنىڭ ەرەكشەگىلى بەرىكتىگى، ال بىرىنكى بەدەرىندە. قىلىشتىڭ ءتۇرى كوپ بولعانىمەن، حاس شەبەرلەردىڭ، ۇستالاردىڭ قولىنان شىققان قىلىشتاردىڭ ءباسى باسىم. سەبەبى ولاردى پاتشا نەمەسە حانزادا ءۇشىن ارنايى جاسايدى. شين پاتشالىعىنا تاۋەلدى قانجارلار، قىلىشتار، الداسپاندار الەمدەگى ەڭ قىمبات باعالى بۇيىمدار قاتارىندا تۇر. ال پاتشالىقتىڭ قارۋ- جاراعىن بۇگىنگە دەيىن جەتكىزگەن، كوللەكسيونەر كي توكۋگاۆ. ونىڭ توپتاماسىنداعى جادىگەرلەر ون ەكى جىل قاتارىنان ۇزدىكتەردىڭ قاتارىنان كورىنىپ، ەڭ قىمبات جانە باعالى سانالىپ كەلەدى. قارا بازارلار مەن قارۋ- جاراق ساتاتىن دۇكەندەردە، جادىگەرلەردى باعالاۋشى ءباسساۋدالاردا (اۋكسيون) تاريحتاعى جالعىز ۇلگىدە جاسالعان، كوشىرمەسى جوق بۇيىمدارعا ءارقاشان سۇرانىس بار. ونىڭ باعاسى ەمەس قۇندىلىعى، ادامداردىڭ قىزىعۋشىلىعىن تۋدىرىپ كەلەدى. كوبىنەسە اتالعان جادىگەرلەر بەدەلدى ادامدارعا نەمەسە پاتشالارعا، قولباسشىلارعا تاۋەلدى. ناپولەن بوناپارتتىڭ قىلىشى 2007 - جىلى Osenat اۋكسيون كەزىندە 4,8 ميلليون دوللارعا باعالانعان بولاتىن. بۇل ەۋروپاداعى ەڭ قىمبات جادىگەر رەتىندە تىركەلدى. دەگەنمەن الەم بويىنشا ەڭ قىمبات قىلىش شين پاتشالىعىنا ءتان. ونىڭ ساتىلعان قۇنى - 7,5 ميلليون دوللار.

Massaget.kz