ديماش قاتىسىپ جاتقان تەلەجوبانىڭ تولىق ەرەجەسى

 استانا. قازاقپارات - قىتايدا ءداستۇرلى تۇردە وتەتىن " singer" تەلەجوباسى ۇلكەن كولەمدەگى تەليەۆيزيالىق جوبالاردىڭ ءبىرى. بۇل جوبادا ەلىمىزدىڭ اتىنان جاس تالانتتى ءانشى ديماش قۇدايبەرگەنوۆ باعىن سىناۋدا.

ديماش قاتىسىپ جاتقان تەلەجوبانىڭ تولىق ەرەجەسى

ءار سەنبى سايىن ديماشىنا جانكۇيەرلىك ەتەتىن قالىڭ قازاق جۇرتشىلىعى Hunan TV ارناسىن ۇزبەي قارايتىن جاعدايعا جەتتى. بۇعان ديماشتىڭ ەرەكشە ونەرى سەبەپ بولسا كەرەكتى. وسى ورايدا قالىڭ جۇرتشىلىققا وسىناۋ ءىرى جوبانىڭ جالپى تولىق ەرەجەسىن ايتۋدى ءجون كوردىك. " singer" تەلەجوباسىنىڭ جالپى قۇرىلىمى:

فينالدىق كەزەڭگە دەيىن 5-اينالىم بار. فينالدىق كەزەڭ -  2. فينالعا دەيىنگى ءار اينالىم 2 كەزەڭنەن تۇرادى. سوندا -  10-اينالىم.

 داۋىس بەرۋ:

 ءار باعدارلاما سوڭىندا جۇرگىزۋشى 2 ناتيجە ايتادى. قاتىسۋشىلاردىڭ داۋىس بەرۋى: جوباعا قاتىسۋشى انشىلەر ءبىر- بىرىنە داۋىس بەرەدى. كورەرمەندەردىڭ داۋىس بەرۋى: زالدا وتىرعان 500 كورەرمەن قاتىسۋشىلارعا داۋىس بەرە الادى. كورەرمەندەردىڭ داۋىسى دا انشىلەردىڭ نەشىنشى ورىن الاتىنىن شەشەدى.

قۇلاپ قالۋ:

ءار اينالىمنىڭ ناتيجەسى بويىنشا كورەرمەندەر تاراپىنان ەڭ از داۋىس جيناعان قاتىسۋشى جوبادان شىعادى. قاتىسۋشىلار جارىس جولىنىڭ 2, 4, 6, 8 جانە 10 كەزەڭدەرىندە قۇلايدى. ءار 3, 5, 7 جانە 9 كەزەڭدەرىندە جاڭا 2 قاتىسۋشى كەلىپ وتىرادى.

جاڭادان كەلگەن قاتىسۋشىلار 2 ساناتقا بولىنەدى:

 1. قاراپايىم ءانشى جوبادان شىققان قاتىسۋشى ءانشىنىڭ ورنىن الماستىرادى.

 2. CHALLENGE SINGER بۇل ساناتتاعى قاتىسۋشى ءبىرىنشى ونەر كورسەتكەندە 1, 2 ,3 نەمەسە 4 -ورىن الۋى قاجەت. ەگەر الا الماعان جاعدايدا جارىس جولىنان شىعادى.

فينالعا شىعۋ:

بايقاۋدىڭ 10 كەزەڭىنە قاتىسقان 3-4 قاتىسۋشى فينالعا وتەدى. سوڭعى كەزەڭ مەن فينالدىق كەزەڭنىڭ اراسىندا BREAKOUT تۋرى وتەدى. بۇل تۋردا العاشقى كەزەڭدەردە جارىستان شىققان جانە نەگىزگى قۇرامدا بولماعان بارلىق قاتىسۋشى ونەر كورسەتەدى.

 فينالدا 7 قاتىسۋشى ءان ايتادى:

-  ولار Breakout تۋرى بويىنشا وتكەندەر:

-  بارلىق كەزەڭنىڭ ناتيجەسى بويىنشا وتكەندەر.

 فينالدا بارلىق ناتيجە نولدەنەدى.

فينال ەكى كەزەڭنەن تۇرادى:

1-كەزەڭدە قاتىسۋشى ءبىر جۇلدىزبەن دۋەت بوپ ءان ايتادى. وسى كەزەڭ بويىنشا 3 ۇزدىك قاتىسۋشى كەلەسى 2-كەزەڭگە وتەدى. فيناليستەر جەكە دارا ءبىر ءان ورىندايدى. جەڭىمپازدى كورەرمەندەر تاڭدايدى.

 

Massaget.kz