فۋتبول كلۋبىنىڭ قاقپاشىسى ماتچتا ءبالىش جەپ جۇمىسىنان قۋىلدى

استانا. قازاقپارات - اعىلشىن چەمپيوناتىنىڭ بەسىنشى ليگاسىندا «ساتتون يۋنايتەد» اعىلشىن فۋتبول كلۋبىنىڭ قوسىمشا قاقپاشىسى لوندوندىق «ارسەنالمەن» كۋبوكتىق ماتچ كەزىندە بۋكمەكەرلەردىڭ ءباس تىككەن بىلە تۇرا ءبالىش جەگەن، دەپ حابارلايدى بي- بي- سي اگەنتتىگى.

ويىن باستالماي تۇرىپ، بۋكمەكەرلەر سالماعى 125 كەلى تارتاتىن قاقپاشى ۋەين شوۋدىڭ ماتچ كەزىندە ءبالىش جەيتىن، جەمەيتىندىگىنە قاتىستى ءباس تىككەن. ستاۆكالار ايتارلىقتاي ءىرى كوەفيتسەنتپەن قابىلدانعان (سەگىزگە ءبىر). ماتچ سوڭىندا ترانسلياتسيا رەجيسسەرى قوسىمشا ويىنشىلارعا ارنالعان ورىندىقتا ءبالىش جەپ وتىرعان 46 جاستاعى شوۋدى ءىرى پلانمەن كورسەتتى.

اقىرىندا بۋكمەكەرشىلەردىڭ ءباس تىككەنىن قاقپاشىنىڭ الدىن الا بىلگەنى انىقتالدى. بۇل وقيعا كەلىسىممەن ءباس تىگۋدى تەرگەۋ كوميسسياسى جانە انگليا فۋتبول قاۋىمداستىعىنىڭ نازارىنا ىلىكتى. قاقپاشى ايىپپۇل تولەپ، جۇمىستان شەتتەتىلۋى مۇمكىن.

شوۋدىڭ ءوزى ءباس تىگۋگە تۇبەگەيلى تىيىم سالىنعان كاسىبي فۋتبولدا جۇرگەندىكتەن ەشقانداي ءباس تىككەن جوقپىن دەپ سەندىرۋدە. قاقپاشىنىڭ ايتۋىنشا، شىنىمەن قارنى اشقان سوڭ عانا ءبالىش جەگەن، ءارى بۇل ارەكەتىن قىزىق بولادى دەپ ويلاعان. اتالعان داۋدىڭ كەسىرىنەن قاقپاشى جۇمىستان كەتۋگە ءماجبۇر بولدى.

«ساتتون يۋنايتەد» باسشىلىعى شوۋدىڭ جۇمىستان بوساتۋ تۋرالى ءوتىنىش جازعانىن جانە ونىڭ قاناعاتتاندىرىلعانىن راستادى.