ۇندىلىك ازامات جەرلەۋگە اپارا جاتقان كەزدە ويانىپ كەتتى
بۇل تۋرالى Times of India باسىلىمى جازدى. ءبىر اي بۇرىن 17 جاستاعى كۋمار ماريەۆادتى (Kumar Marewad) قاڭعىباس ءيت قاۋىپ العان. بۇدان كەيىن ءجاسوسپىرىمنىڭ تەمپەراتۋراسى كوتەرىلىپ، اپتا بويى تۇسپەيدى. ال جاعدايى كۇرت ناشارلاعان سوڭ اۋرۋحاناعا جاتقىزىلدى. ودان كەيىن وكپەنىڭ جاساندى ۆەنتيلياتسياسى اپپاراتىنا قوسقان. دارىگەرلەر كۋماردىڭ اتا- اناسىنا جۇقپانىڭ بۇكىل دەنەسىنە جايىلىپ كەتكەندىگىن، اپپاراتسىز ءومىر سۇرە المايتىندىعىن تۇسىندىرگەن. ونىڭ ۇستىنە كەدەي وتباسى ەمدەۋ قىمبات بولعاندىقتان ءجاسوسپىرىمدى ۇيلەرىنە الىپ كەتەدى.
ارتىنان ونىڭ قوزعالىسسىز جاتقانىن جانە تىنىس الماعانىن كورگەننەن سوڭ باقيلىق بولدى دەپ ۇيعارادى جانە ۇلتتىق داستۇرگە سايكەس جەرلەۋ ءراسىمىن ۇيىمداستىرادى. قايعىلى پروتسەسس وتكىزەتىن جەرگە ەكى شاقىرىم قالعان شاقتا كۋمار كوزىن اشىپ، قولى مەن اياعىن قوزعاپ جانە ءجيى تىنىس العان. پاتسيەنتتى تەزدەتىپ اۋرۋحاناعا جەتكىزىپ، اپپاراتقا قايتا قوسادى. دارىگەرلەردىڭ پىكىرىنشە، ۇندىلىكتىڭ اۋرۋى قۇتىرعان ءيتتىڭ قابۋى سالدارىنان دەنەگە جايىلىپ كەتكەن مەنينگوەنتسەفاليت جۇقپاسى.
اۆتور: ەرلان قوجاكەلديەۆ
