جەتىسۋ تورىندە «مىڭ بالا» جوباسى باستالدى
قازاق تىلىنە، قازاق حالقىنىڭ قوعامدىق- مادەني ورتاسىنا بوي ۇيرەتۋگە باعىتتالعان يگى باستاما وزگە ۇلت وكىلدەرىنىڭ بالالارىن ءبىر شاڭىراق استىنا جينادى.
«مىڭ بالا جوباسى اياسىندا قازاقستان بويىنشا كوپتەگەن دوستار تاپتىم. قازىرگى تاڭدا سول دوستارمەن قارىم- قاتىناستامىن. جانە دە قازاق ءتىلىنىڭ قانداي دەڭگەيگە كوتەرىلىپ جاتقانىن، قانداي دەڭگەيدە دامىپ جاتقانىن بايقادىم» دەيدى 2016 -جىلعى بايقاۋ جەڭىمپازى يرسەن كيم.
جوبا مەملەكەتتىك ءتىلدى مەڭگەرگەن وقۋشىلار مەن مەكتەپكە دەيىنگى مەكەمە تاربيەلەنۋشىلەر قاتارىن كوبەيتتى. «شارتتى تۇردە مىڭ بالا دەپ اتالعانىمەن وعان قامتىلىپ جاتقان بالالار سانى الدەقايدا كوپ. تەك وتكەن جىلدىڭ وزىندە عانا بىزدەگى دەرەكتەر بويىنشا مىڭنان استام بالا ءار ەتنوس وكىلدەرى قازاق ءتىلىن وقىپ ۇيرەندى» دەيدى قازاقستان حالقى اسسامبلەياسىنىڭ وبلىستىق فيليالى ءتوراعاسىنىڭ ورىنباسارى عابيت تۇرسىنباي.
حالىقارالىق انا ءتىلى كۇنى اياسىندا وقۋشىلار سارايىندا «ماڭگىلىك ەل» ورتالىعىنىڭ تۇساۋى كەسىلدى. بۇل جەردە قازاق ەلىنىڭ ارعى- بەرگى تاريحى، مادەنيەتى مەن سالت- ءداستۇرى دارىپتەلىپ، جاستاردى بىرەگەيلىك پەن ءبىرتۇتاستىققا تاربيەلەيدى.
اۆتور: سامال قابىشەۆا
