نازاربايەۆ رەسەي- بەلارۋس قاتىناسى ماسەلەلەرىنە الاڭدايتىنىن ءبىلدىردى
20 - اقپاندا بولعان اڭگىمە بارىسىندا پرەزيدەنتتەر ە ا ە و- نىڭ قازىرگى قىزمەتى مەن ارى قارايعى دامۋى ماسەلەلەرى بويىنشا پىكىر الماستى.
ال بەلارۋس پرەزيدەنتى رەسمي سايتىنىڭ حابارلاۋىنشا، «قازاقستان پرەزيدەنتىنىڭ باستاماسىمەن» بولعان اڭگىمەدە نەگىزىنەن ە ا ە و- داعى قارىم- قاتىناس باستى ماسەلەسى تالقىلاندى. «تاراپتار قازىرگى ماسەلەلەرگە قاتىستى بىردەي الاڭداۋشىلىق ءبىلدىردى. قازاقستان پرەزيدەنتى رەسەي مەن بەلارۋس اراسىنداعى پروبلەمالىق سۇراقتارعا الاڭدايتىنىن ءبىلدىردى. ول بارلىق ماسەلە وداق ىشىندە شەشىلەتىنىنە سەنىمدى ەكەنىن ءبىلدىردى» دەلىنگەن بەلارۋس پرەزيدەنتىنىڭ باسپا ءسوز قىزمەتى تاراتقان اقپاراتتا.
بۇدان سوڭ نازاربايەۆ لۋكاشەنكونى الدا بولاتىن شاڭحاي ىنتىماقتاستىق ۇيىمىنىڭ سامميتىنە جانە ەكسپو-2017 حالىقارالىق كورمەسىنىڭ اشىلۋىنا قاتىسۋعا شاقىردى.
