ترامپ ۇلتتىق قاۋىپسىزدىك بويىنشا جاڭا كەڭەسشىسىن تاعايىندادى

استانا. قازاقپارات - ا ق ش پرەزيدەنتى دونالد ترامپ گەنەرال- لەيتەنانت گەربەرت ماكماستەردى ءوزىنىڭ ۇلتتىق قاۋىپسىزدىك ماسەلەلەرى بويىنشا جاڭا كەڭەسشىسى ەتىپ تاعايىندادى.

  فلوريدا شتاتىنىڭ پالم- بيچ وكرۋگىندە وتكەن باسپا ءسوز كونفەرەنسياسىندا ترامپ استىرتىن بۇلىك شىعارۋعا قارسى ءىس- قيمىل سالاسىنىڭ مامانى ماكماستەردى «ۇلكەن تالانت پەن تاجىريبە يەسى» دەپ اتادى.

دونالد ترامپ پرەزيدەنت كەڭەسشىسى مىندەتىن اتقارعان گەنەرال- لەيتەنانت كيت كەللوگتىڭ ۇلتتىق قاۋىپسىزدىك جونىندەگى كەڭەستى باسقاراتىنىن حابارلادى.

قاۋىپسىزدىك ماسەلەلەرى جونىندەگى بۇعان دەيىنگى كەڭەسشى مايكل فلينن رەسەي ەلشىسىمەن اڭگىمەسىندە رەسەيگە قارسى سانكسيالارعا قاتىستى اق ۇيگە تەرىس مالىمەت بەرۋ داۋىنا بايلانىستى وتستاۆكاعا كەتۋگە ءماجبۇر بولعان.

«ازاتتىق» جاڭالىقتارى