استانادا سالىناتىن ۇلتتىق پانتەوننىڭ قۇنى بەلگىلى بولدى
دەپ حابارلايدى قازاقپارات.
«جوبالىق قۇجاتتاماسىنا سايكەس 1,7 ميلليارد تەڭگە»، - دەدى ول ۇكىمەتتىڭ سەلەكتورلىق رەجىمىنەن كەيىن ب ا ق وكىلدەرىنىڭ ساۋالىنا وراي.
سونىمەن قاتار ول تىلشىلەرگە پانتەون قۇرىلىسىنا قاتىستى ناقتى اقپاراتتاردى ەلوردا اكىمدىگىنەن الۋعا كەڭەس بەردى. مۇنان بولەك، قارجى ءمينيسترى اتالعان سوما جوبانى تولىقتاي جۇزەگە اسىرىلۋعا جەتەتىندىگىن نە جەتپەيتىندىگىن ناقتىلاعان جوق.
«بۇل اقشا قانداي دا ءبىر فازاسىنا ءبولىنىپ وتىر. مەن ناقتىلاي المايمىن»، - دەدى ول.
ايتا كەتەرلىگى، بۇگىن ق ر قارجى ءمينيسترى باقىت سۇلتانوۆ ۇكىمەتتىڭ سەلەكتورلىق رەجىمدەگى وتىرىسىندا «2017 - 2019 -جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسىنىڭ زاڭىن ىسكە اسىرۋ تۋرالى» قازاقستان رەسپۋبليكاسى ۇكىمەتى قاۋلىسىنىڭ جوباسىن تانىستىردى. جوبادا ۇلتتىق پانتەوننىڭ، «قۇرىق» پورتىنىڭ قۇرىلىسىنا قارجى قاراستىرىلعان.
اۆتور: مارلان جيەمباي
