قازاقستاندىق ازىق- تۇلىك ونىمدەرى دۇكەن سورەلەرىنەن يمپورتتى ىعىستىرىپ شىعارۋدا
قازاقستانداعى ازىق- تۇلىك تۇتىنۋدا يمپورتتاردىڭ ورنىن باسۋ ءۇردىسى ءجۇرىپ جاتىر. 2016 -جىلى نەگىزگى تاماق ونىمدەرى بويىنشا 47 يمپورتتىق تاۋار تۇرلەرى 35-كە دەيىن قىسقارعان. اسىرەسە قانت وندىرىسىندە يمپورتتىڭ ورنىن باسۋ پروتسەسى شاپشاڭ ءجۇردى. 2015 -جىلى قازاقستانداعى قانت رەسۋرسىنىڭ 41 پايىز يمپورتتى قۇراسا، 2016 -جىلى يمپورت 21 پايىزعا دەيىن ازايدى.
ەت جانە قوسالقى ەت ونىمدەرى رەسۋرسىندا دا يمپورت ۇلەسى ايتارلىقتاي ازايدى - 2015 -جىلى 63 پايىز، ال 2016 -جىلدىڭ قاڭتار- جەلتوقسان ايلارىندا 37 پايىزعا دەيىن تومەندەگەن.
ازىق- تۇلىك تاۋارلارى رەسۋرستارىندا يمپورت ۇلەسىنىڭ قىسقارۋى ءبىر جىلدا 0,2-دەن 36 پايىزعا دەيىن قۇبىلعان.
ازىق- تۇلىك ونىمدەرىنىڭ ءبىرقاتار رەسۋرستارىندا يمپورتتىق ونىمدەردىڭ كوبەيۋى بايقالدى، ءبىراق يمپورت ۇلەسى ايتارلىقتاي وسكەن جوق.
2016 -جىلى كونياك جانە كونياك سۋسىندارى رەسۋرستارىندا يمپورتتىڭ ەڭ جوعارى دەڭگەيى بايقالدى، يمپورت ۇلەسى 10 پايىزدان 20 پايىزعا دەيىن وسكەن.
سونىمەن بىرگە، سىرتتان كەلەتىن ىرىمشىكتەر مەن سۇزبەلەردى تۇتىنۋ كوبەيگەن. اتالعان تاۋار رەسۋرستارىنداعى يمپورت دەڭگەيى وتە جوعارى - 46 پايىز. اتاپ وتكەن ءجون، ءسۇت تاۋارلارىن تۇتىنۋداعى يمپورت كولەمى 17 پايىزدى قۇرايدى.
2016 -جىلى يمپورتتىق قۇرىلعىلار مەن شيكىزات قۇنىنىڭ وسكەنىنە قاراماستان، قازاقستاننىڭ تاعام ونەركاسىبى ءبىرشاما دامىدى.
جىل قورىتىندىسى بويىنشا، بارلىق سالا ءوندىرىستى شامامەن 4 پايىز ءوسىردى.
