الەۋمەتتىك جەلىدە مەملەكەتتىك تىلدە جازباعانى ءۇشىن اكىمگە ايىپپۇل سالىندى
استانا. قازاقپارات - لاتۆيانىڭ ۆيدزەمسك سوتى ريگا قالاسىنىڭ باسشىسى نيل ۋشاكوۆقا الەۋمەتتىك جەلىدە ورىس جانە اعىلشىن تىلىندە جازۋعا تىيىم سالدى.
ول جەلىدەگى قارىم-قاتىناستا تەك لاتىش ءتىلىن قولدانۋعا مىندەتتى.
سوت ۇكىمىندە تۇرعىندارمەن قارىم- قاتىناس تەك مەملەكەتتىك تىلدە جۇرگىزىلۋى ءتيىس ەكەنى ايتىلعان. وسىلايشا سوت مەملەكەتتىك ءتىل ورتالىعى ديرەكتورىنىڭ شەشىمىن وزگەرىسسىز قالدىرىپ وتىر. ورتالىق ديرەكتورى قالا باسشىسىنا الەۋمەتتىك جەلىدە ورىس جانە اعىلشىن تىلىندە جازعانى ءۇشىن 140 ەۋرو ايىپپۇل سالعان.
نيل ۋشاكوۆ بولسا سوتتىڭ بۇل شەشىمىمەن كەلىسپەي، قايتا شاعىم تۇسىرۋگە نيەتتى.
