قىتاي تەلەفون ويىندارىنا تىيىم سالماق

استانا. قازاقپارات - ​قازىر قىتايدا بالالار مەن جاسوسپىرىمدەردىڭ ءتۇرلى ويىندارعا دەگەن تاۋەلدىلىگى ارتقان.

سول سەبەپتى ەل ۇكىمەتى تاڭنىڭ اتىسى، كۇننىڭ باتىسى ويىن قىزىعىنان شىعا الماي وتىراتىن وسى جەتكىنشەكتەردى جونگە سالۋعا شەشىم قابىلداپتى. بيلىك كامەلەتتىك جاسقا تولماعانداردىڭ تۇنگى ون ەكىدەن تاڭعى سەگىزگە دەيىن ويىن ويناۋىنا تىيىم سالماق.

بۇل زاڭ جوباسى ۇيالى بايلانىس قۇرالدارىنا قاتىستى. زاڭنىڭ ورىندالۋى ارنايى باعدارلامالىق جاساقتامالار ارقىلى باقىلانادى.

بۇعان دەيىن ونلاين ويىنداردى وينايتىن تۇلعالاردى انىقتاۋ ءۇشىن رەسمي قۇجاتپەن تىركەلۋ مىندەتتەلگەن بولاتىن. وسى تىركەۋ ارقىلى ءار ءجاسوسپىرىمنىڭ بەلسەندىلىگى قاداعالانادى. بۇزۋشىلىقتار بولعان جاعدايدا باعدارلامالىق جاساقتاما ولاردى ءماجبۇرلى تۇردە ويىننان اجىراتادى. بۇل تالاپتاردى ورىنداۋدان باس تارتقان كومپانيالارعا ايىپپۇل سالىنادى، ءتىپتى، جابىلۋى مۇمكىن.

جاڭا زاڭ جوباسى 2017 -جىلدىڭ ناۋرىزىندا كۇشىنە ەنبەك.

 

دەرەككوز: https://life.ru