10:14, 21 - اقپان 2017 | GMT +5
سەلەنا گومەس ينستاگرامدا الەمدىك رەكورد ورناتتى
استانا. قازاقپارات - امەريكالىق ءانشى سەلەنا گومەس Instagram جاڭا رەكورد ورناتىپ، كيم كارداشيان مەن دجاستين بيبەردى ارتتا قالدىردى.
وسىدان بىرنەشە كۇن بۇرىن ءانشىنىڭ الەۋمەتتىك جەلىسىندەگى پاراقشاسىنا جازىلعاندار سانى 110 ميلليون ادامنان استى.
«110 ءۇشىن راحمەت. ءوز پاراقشامدى ودان ءارى جالعاستىراتىن جانە سىزدەرگە تەك شىندىقتى عانا ايتاتىن بولامىن، ەڭ باستىسى - سىزدەردىڭ ءارقايسىڭىز مەنىڭ ءومىرىمدى وزگەرتۋگە ۇلەس قوستىڭىزدار. مەن شەكسىز ريزامىن»، - دەپ جازدى جۇلدىز.
ەستەرىڭىزگە سالا كەتەيىك، Instagram الەۋمەتتىك جەلىسىندەگى جازىلۋشىلار سانى بويىنشا بۇعان دەيىنگى رەكوردتىڭ يەسى ءانشىنىڭ ءوزى بولاتىن. سونىمەن قاتار، 24 جاسار ءانشىنىڭ سانسىز فوتولارىنىڭ ءبىرى وسى الەۋمەتتىك جەلى تاريحىندا ەڭ كوپ لايك جيناعان بولاتىن، دەپ حابارلايدى etonline.com.
