ۆيتسە-مينيسترمەن كەزدەسۋدە باتىس قازاقستاندىق شارۋالار وزەكتى ماسەلەلەردى كوتەردى

ورال. قازاقپارات - وڭىرگە جۇمىس ساپارىمەن كەلگەن ق ر اۋىل شارۋاشىلىعى ۆيتسە-ءمينيسترى سەرىك ەگىزبايەۆ سالا قىزمەتكەرلەرىمەن كەزدەسىپ، ەلباسىنىڭ «قازاقستاننىڭ ءۇشىنشى جاڭعىرۋى: جاھاندىق باسەگەگە قابىلەتتىلىك» اتتى جولداۋىندا العا قويىلعان باستى مىندەتتەردى اتاپ كورسەتتى، دەپ حابارلايدى «قازاقپارات» ح ا ا ءتىلشىسى.

وبلىس اكىمىنىڭ ءبىرىنشى ورىنباسارى ارمان وتەعۇلوۆتىڭ قاتىسۋىمەن وتكەن جيىندا ۆيتسە- مينيستر جولداۋدى ءار مەملەكەتتىك قىزمەتشى وقىپ قانا قويماي، قاجەت كەزىندە ادامدارعا قاراپايىم تىلمەن تۇسىندىرە ءبىلۋى كەرەكتىگىن جەتكىزدى.

جىلدىڭ باستى قۇجاتىندا ءار قىزمەتكەر ءوز سالاسى بويىنشا قانداي ماقسات- مىندەتتەر العا قويىلعانىن ءبىلۋى كەرەك. مەملەكەت باسشىسىنىڭ يدەيالارىن جۇزەگە اسىراتىن دا الدىمەن مەملەكەتتىك قىزمەتشىلەر. سوندىقتان جولداۋ تۋرالى ۇزاق- سونار بايانداما جاساماستان، ۆيتسە- مينيستر جينالعاندارمەن بارىنشا ەركىن اڭگىمەلەسىپ، ولاردىڭ نە تۇيگەندەرىن ايقىنداۋعا تىرىستى.

مەملەكەت باسشىسى قازاقستاندا اگرارلىق سەكتور ەكونوميكانىڭ جاڭا درايۆەرىنە اينالۋى كەرەكتىگىن اتاپ كورسەتكەنى بەلگىلى. وسى ورايدا قازاقستان رەسپۋبليكاسىنىڭ اگروونەركاسىپ كەشەنىن دامىتۋدىڭ 2017-2021 -جىلدارعا ارنالعان مەملەكەتتىك باعدارلاماسى اياسىندا ق ر اۋىل شارۋاشىلىعى مينيسترلىگى الدىنا ماڭىزدى مىندەتتەر قويىلىپ وتىر. اۋىل شارۋاشىلىعى جۇمىستارى اۋا رايى مەن تابيعاتقا تاۋەلدى بولعانىمەن، وزىق تەحنولوگيالاردى قولدانا بىلسە، مول ءونىم الۋعا بولاتىنى بەسەنەدەن بەلگىلى جايت. ەلىمىز د س ۇ- عا مۇشە بولىپ كىرگەننەن كەيىن تالاپتاردىڭ قاتاڭداتىلعانى ءمالىم.

سوندىقتان الدىڭعى قاتارلى مەملەكەتتەردەن قالىپ قويماس ءۇشىن زەرتتەۋ جۇمىستارىن كەڭىنەن جۇرگىزىپ، الەمدىك تالاپتارعا ساي كەلەتىن ءونىم وندىرۋگە ۇمتىلعان ءجون. ەڭ باستىسى، قانداي بولماسىن ءونىم باسەكەگە قابىلەتتى بولۋى كەرەك. كەزدەسۋ بارىسىندا اۋىل شارۋاشىلىعى تاۋارىن وندىرۋشىلەر دە كوكەيكەستى ماسەلەلەردى كوتەردى. مىسالى، بەلگىلى كاسىپكەر، وبلىستىق ءماسليحات دەپۋتاتى قاتاۋوللا اشىعاليەۆ وزگە ەلدەردىڭ تاجىريبەلەرىنە سۇيەنە وتىرىپ، مەملەكەت پەن كاسىپكەرلەر اراسىنداعى دەلدالداردى الىپ تاستاۋدى ۇسىنىپ، مۇنىڭ ەكى جاققا دا ءتيىمدى بولاتىنىن العا تارتتى.

سوندا نەسيە كوزدەرى شارۋالارعا قىمباتقا تۇسپەس ەدى. سول سەكىلدى جاڭگىر حان اتىنداعى باتىس قازاقستان اگرارلىق- تەحنيكالىق ۋنيۆەرسيتەتىندەگى زەرتحانانى وڭىرلىك دەڭگەيگە كوتەرسە، ودان ءبارى دە ۇتار ەدى. كاسىپكەر ۆالەري گولوۋحوۆتىڭ سوزىنە قاراعاندا، اۋىل شارۋاشىلىعى تەحنيكالارى مەن قوسالقى بولشەكتەردى مونوپوليست مەكەمە - «ەۆرازيا گرۋپپ» كومپانياسى جەتكىزەدى. ونىڭ ۇستىنە قوسالقى بولشەكتەردى 10-15 كۇن كۇتۋگە تۋرا كەلەدى ءارى قىمباتقا تۇسەدى.

ال ەگىس جۇمىستارى كەزىندە كوكتەمنىڭ ءار كۇنى جىلعا ازىق ەكەندىگىن ديحاندار جاقسى بىلەدى. كاسىپكەر تەمىرعالي ەسكەندىروۆ اۋىل شارۋاشىلىعى جوبالارىن جۇزەگە اسىرۋعا بەرىلەتىن ەكىنشى دەڭگەيدەگى بانكتەردىڭ نەسيەلىك مەرزىمىنىڭ قىسقا ەكەندىگىن، وعان قوسا جاڭا تەحنولوگياعا نەگىزدەلگەن وندىرىستە قاجەتتى مامانداردىڭ جەتىسپەيتىنىن ايتىپ، بۇل رەتتە دە مەملەكەت تاراپىنان قولداۋ كەرەكتىگىن تىلگە تيەك ەتتى. وسى تەكتەس ماسەلەلەردى قويىن داپتەرىنە ءتۇرتىپ العان سەرىك ەگىزبايەۆ بۇلاردىڭ بارىنشا ەسكەرىلەتىندىگىن جەتكىزدى.

اۆتور: ەلجان ەرالى