عالىمدار كولىك جۇرگىزۋ ءۇشىن ەڭ قاۋىپتى جاس ەرەكشەلىگىن اتادى

 عالىمدار 19-59 جاس ارالىعىنداعى 100 ەرىكتى قاتىسقان زەرتتەۋ جۇرگىزدى. زەرتتەۋ بارىسىندا وعان قاتىسۋشىلار ءوز كولىكتەرىن جۇرگىزىپ وتىرعان، ال عالىمدار بەلگىلى ءبىر جاعدايلار كەزىندە ولاردىڭ اعزالارىنىڭ رەاكسياسىن باقىلاپ وتىرعان.

ناتيجەنى جاريالاۋ ءۇشىن ماماندار كۇيزەلىسكە قارسى تۇرۋ، قىراعىلىق، كۇردەلى جول وقيعالارى كەزىندە جىلدام شەشىم قابىلداۋ سەكىلدى قاسيەتتەرىنىڭ كورسەتكىشتەرىن باعالاعان.

زەرتتەۋ ناتيجەلەرى ەگدە جاستاعى جۇرگىزۋشىلەردىڭ 18-24 جاستاعى جۇرگىزۋشىلەرمەن سالىستىرعاندا جول- كولىك اپاتىنا ۇشىراۋ قاۋپى جوعارى دەڭگەيدە بولاتىنىن انىقتادى. سەبەبى، 45-59 جاس ارالىعىنداعى زەرتتەۋگە قاتىسقان ەرىكتىلەر جىلدام شەشىم قابىلداۋ تۇرعىسىنان ەڭ تومەن كورسەتكىشتەرگە يە بولعان. سونىمەن قاتار، ولار كولىكتى باسقارۋ كەزىندە قىراعىلىق تانىتپاي، كوپ جاعدايدا اشۋعا بۋلىعىپ، جول ءجۇرۋ ەرەجەلەرىن ءجيى بۇزىپ وتىرعان.

سونداي- اق، عالىمدار جۇرگىزۋشىلەردىڭ مىنەز- قۇلقىن باقىلاۋ ءۇشىن ولاردىڭ كولىك جۇرگىزىپ كەلە جاتىپ، ءاردايىم SMS جازۋلارىن، تەلەفون قوڭىراۋلارىنا جاۋاپ بەرۋلەرىن سۇراعان. مىنە، اعا بۋىن وكىلدەرى سىناقتىڭ وسى كەزەڭىنەن كوپ سۇرىنگەن.