ا ق ش پەن رەسەي - الەمدەگى قارۋ- جاراقتى ەڭ كوپ ەكسپورتتاۋشى ەلدەر

استانا. قازاقپارات - ا ق ش پەن رەسەي سوڭعى بەس جىلدا الەمدە ەڭ ءىرى قارۋ- جاراق ەكسپورتتاۋشى ەلدەر اتاندى.

شۆەتسيانىڭ  SIPRI زەرتتەۋ ينستيتۋتىنىڭ مالىمەتىنشە، سوڭعى جىلدارى قارۋ- جاراققا دەگەن سۇرانىس تاياۋ شىعىس ايماعىندا ارتقان. ينستيتۋت 2012-2016 -جىلدارى الەمدەگى قارۋ- جاراق ەكسپورتىنىڭ 33 پايىزى ا ق ش- تىڭ ۇلەسىنە، 23 پايىزى رەسەيدىڭ ۇلەسىنە تيگەنىن ايتادى. ا ق ش- تىڭ ەكسپورت كورسەتكىشى 2011 -جىلدان بەرى 21 پايىزعا ارتقان. ا ق ش ەكسپورتتاعان قارۋ- جاراعىنىڭ جارتىسىنا جۋىعى تاياۋ شىعىسقا جەتكىزىلگەن.

رەسەي ەكسپورتتاعان قارۋ- جاراعىنىڭ 70 پايىزى ءۇندىستان، ۆەتنام، قىتاي جانە الجيرگە ساتىلعان. سوڭعى بەس جىلدا الەمدەگى قارۋ- جاراقتىڭ 6,2 پايىزىن - قىتاي، 6 پايىزىن - فرانسيا، 5,6 پايىزىن گەرمانيا ەكسپورتتاعان.

SIPRI تۇتاستاي العاندا الەمدە قارۋ- جاراققا سۇرانىس 2004 -جىلدان بەرى تۇراقتى تۇردە ارتقانىن ايتادى. سوڭعى بەس جىلدا قارۋ- جاراق ساۋداسىنىڭ كولەمى 8,4 پايىزعا ارتقان. قىرعي- قاباق سوعىسى كەزەڭىنەن بەرى قارۋ- جاراق ساۋداسىندا مۇنداي ءوسىم ءبىرىنشى رەت تىركەلىپ وتىر.

SIPRI دەرەگىنشە، ازيا مەن تاياۋ شىعىستا قارۋ- جاراق ساۋداسى ارتىپ، ەۋروپا، سولتۇستىك جانە وڭتۇستىك امەريكا مەن افريكادا ازايعان.

سوڭعى بەس جىلدا ءۇندىستان ساتىپ الاتىن قارۋ- جاراعىنىڭ كولەمى 43 پايىزعا ارتىپ، الەمدەگى ەڭ ءىرى قارۋ- جاراق يمپورتەرى اتانعان. قازىر الەمدەگى قارۋ- جاراق يمپورتىنىڭ 13 پايىزى ءۇندىستاننىڭ ۇلەسىندە. ءۇندىستان قارۋ- جاراعىنىڭ 68 پايىزىن رەسەيدەن ساتىپ العان. بۇل - ءۇندىستاننىڭ ا ق ش- تان ساتىپ العان قارۋ كولەمىنەن بەس ەسە كوپ.

http://www.azattyq.org