قارعاندىدا جىل اياعىنا دەيىن پاترون زاۋىتى ىسكە قوسىلادى

قاراعاندى. قازاقپارات - وسى جىلى جەلتوقساندا قاراعاندىدا پاترون زاۋىتىنىڭ قۇرىلىسى اياقتالادى، دەپ حابارلادى «قازاقپارات» ح ا ا ءتىلشىسى.

 «قازاقپاراتقا» بەرگەن سۇحباتىندا «Steel manufacturing»  كومپانياسى پاترون زاۋىتىنىڭ ديرەكتورى داۋرەن ارىنوۆ كاسىپورىندى سالۋ كەزىندە جەراستى سۋى كەدەرگى كەلتىرىپ، كەستەدەن ءسال كەشىگىڭكىرەپ قالعانىن ايتتى.

«ءبىراز ماسەلەلەر تۋىنداپ، قۇرىلىس جۇمىسى باسەڭسىگەن كەزدەر بولدى، قازىردە ول شەشىلدى. اتاپ ايتقاندا، جەراستى سۋى كەدەرگى كەلتىردى، نەگىزگى سەح پەن عيمارات ىرگەتاسىنىڭ كونسترۋكتسياسىن وزگەرتۋ قاجەت بولدى، - دەدى ارىنوۆ. - قازىر بارلىق ماسەلەلەر شەشىلدى، قۇرىلىس كەستەگە سايكەس جۇزەگە اسۋدا».

پاترون شىعاراتىن زاۋىت «سارى ارقا» ارنايى ەكونوميكالىق اۋماعىندا سالىنۋدا. كاسىپورىننىڭ قۋاتىن - جىلىنا 30 ميلليون داناعا جەتكىزۋ جوسپارلانۋدا، قازاقستاندىق اسكەردىڭ سۇرانىسىنا يە 5,45*39 م م، 7,62*54 م م، 9*18 م م جانە 9*19 م م كاليبرلى پاتروندار شىعاراتىن بولادى.

جوبا قۇنى - 20 ميلليارد تەڭگەدەن اسادى. قازاقستاندىق شيكىزات پايدالانىلۋدا. جەز سياقتى قورىتپانى جىلىنا كەمى 300 توننا كولەمىندە ءوڭىردىڭ شاعىن مامانداندىرىلعان كاسىپورىندارىنىڭ جۇمىسىن جانداندىرادى. ارنايى ەكونوميكالىق ايماقتى ەسەپكە الىپ سالىق تۇرىندە قازاقستاندىق پاترون زاۋىتى جىلىنا 680 ميلليون تەڭگەدەن استام تولەيدى.