زاعيپا باليەۆا ءبىلىم مينيسترىنە بالالاردى جاقسى كورۋدى ۇيرەنۋگە كەڭەس بەردى
«ءبىز بالالاردى كىمگە سەنىپ تاپسىرىپ وتىرمىز؟ ءبىرىنشى كەزەكتە، تاربيەشىلەر مەن مۇعالىمدەرگە. مەن بۇگىن ءمينيستردىڭ بايانداماسىندا كادرلار قالاي دايىندالاتىندىعىن، پەداگوگيكالىق جوعارى وقۋ ورىندارىنا تۇسۋدە قانداي قىزىعۋشىلىق بار ەكەندىگىن ەستيمىن دەپ ويلاعان ەدىم. پروبلەمالار تەك ساندا عانا ەمەس، سونىمەن قاتار ساپادا بار. بۇل پروبلەمانى ءبىلىم جانە عىلىم مينيسترلىگىمەن ءبىز دە بىرلەسە شەشۋگە قوسىلايىق. ءبىلىم ءمينيسترى - ول ەلدەگى ءبىرىنشى مۇعالىم، وسى ورايدا مينيستر ءسىز بالالار مەن مۇعالىمدەردى جاقسى كورۋدى ۇيرەنۋىڭىز كەرەك»، - دەدى باليەۆا ماجىلىستەگى ۇكىمەت ساعاتىندا.
دەپۋتاتتىڭ پايىمىنشا، سالاداعى كەز كەلگەن جاڭاشىلدىق بالالارمەن، كەيىن مۇعالىمدەرمەن كەلىسىلۋى كەرەك، تەك سودان سوڭ عانا ەكسپەريمەنت جۇرگىزىپ، ەنگىزۋگە مۇمكىندىك بەرگەن ءجون.
«ءبىلىم جانە عىلىم مينيسترلىگى ءوزىنىڭ جۇمىسىن قايتا قاراپ شىعادى دەپ ويلايمىن. رەفورمالاردى ات ءۇستى ىستەۋگە بولمايدى. تەز ارادا بىرلەسكەن جۇمىس توبىن قۇرۋدى ۇسىنامىن»، - دەدى ول.
سونىمەن قاتار باليەۆا ۇ ب ت باعىتىندا كەيبىر تۇستاردى جەتىلدىرۋ كەرەكتىگىن اتاپ ءوتتى.
اۆتور: رۋسلان عابباسوۆ
