ءۇشىنشى رەت ازيادا ويىندارىن وتكىزىپ جاتقان ساپپورو - تۋريستەردىڭ اعىلىپ كەلەتىن قالاسى

 ساپپورو. قازاقپارات - وسىمەن ءبىر ەمەس، ءۇشىنشى رەت قىسقى ازيادا ويىندارىن وتكىزىپ جاتقان ساپپورو قالاسىنا كەشە قازاقستان دەلەگاتسياسىنىڭ سوڭعى مۇشەلەرى كەلىپ جەتتى. ولاردىڭ ىشىندە تىلشىلەر قاۋىمى دا بولدى.

 ءالى دە كوپ نارسەگە قانىعا قويماعانمەن قىسقى ازيادا ويىندارىنىڭ وتانى اتانىپ كەتكەن ساپپورو قالاسى تۋرالى وقىرماندارىمىزعا ازدا بولسا كورگەن، بىلگەن، ەستىگەن جاڭالىقتارىمىزبەن بولىسە وتىرۋدى ءجون سانادىق.

 ساپپورو قالاسىنىڭ اۋا رايى جالپى ەلىمىزدىڭ سولتۇستىك ەلدى مەكەندەرىندەگى اۋا رايىنىنا ۇقسايتىن كورىنەدى. ءدال قازىر -3-4 گرادۋستى كورسەتىپ تۇرعانىمەن ايازدىڭ بارلىعى سەزىلەدى. قاردىڭ قالىڭدىعى 20-30 سانتيمەتردەي. الايدا كوشەلەر تاپ- تازا.

ساپپورو قالاسى - جاپونيانىڭ حوككايدو ارالىندا ورنالاسقان. ول بۇل ەلدەگى ءتورتىنشى ۇلكەن قالا بولىپ سانالادى. سونداي- اق، ساپپورو جاپونداردىڭ ەكونوميكالىق، ونەركاسىپتىك، مادەني ورتالىعى. قالاداعى حالقىنىڭ سانى 2010 -جىلعى ساناققا قاراعاندا،  896 207 1ادامدى قۇراعان. قازىر 2 ميلليونعا جۋىقتاپ قالسا كەرەك، كوشەدە ادام قاراسى وتە كوپ. ال كولەمى 1121,12 شارشى شاقىرىمدى الىپ جاتىر.

ساپپورو شيپاجايلى ورىن كورىنەدى. ءبىز العان مالىمەت كوزدەرىنە سۇيەنسەك، قالا ماڭىندا كوپتەگەن ىستىق مينەرالدى بۇلاقتار بار. جىلدا قىستا ءداستۇرلى تۇردە وتەتىن قار فەستيۆالى دە وسىندا ۇيىمداستىرىلادى. وعان جىلىنا بۇكىل الەمنەن 2 ميلليون تۋريست كەلىپ، تاماشالايتىن كورىنەدى.

 مىنە، وسىنداي قالادا بيىل ءۇشىنشى مارتە قىسقى ازيادا ويىندارى ءوتىپ جاتىر. العاش رەت - 1972 قىسقى وليمپيادا ويىندارىنىڭ استاناسى اتانسا، ودان كەيىن، - 1986, 1990-شى جىلدارى قىسقى ازيادا ويىندارىن وتكىزدى. مىنە، بۇگىن الاۋى تۇتانعان 8- قىسقى ازيادا ويىندارى ءۇشىنشىسى.

 

فوتو: دانيار مايلىبايەۆ

اۆتور: كۇنسۇلتان وتارباي