09:44, 20 - اقپان 2017 | GMT +5
قىرعىز وقۋشىسى تەلەفوندى قۋاتتايتىن ەرەكشە قالپاق ويلاپ تاپتى
استانا. قازاقپارات - جايلاۋدا ەلەكتر ماسەلەسى قيىن. سول سەبەپتى تەلەفوندى دا ۋاقىتىلى قۋاتتاپ وتىرۋ وڭايعا تۇسپەيدى. وسى ماسەلەنى 7- سىنىپ وقۋشىسى رۋستام مامازاريپ وزىنشە شەشىپ كورۋگە تىرىسىپتى.
بۇل تۋرالى «ىنتىماق» تەلەارناسى حابارلايدى.
ول ەكى فۋنكتسيانى قاتار اتقاراتىن ەرەكشە قالپاق ويلاپ تاۋىپتى. قالپاق ادامنىڭ باسىن كۇننەن قورعايدى ءارى تەلەفوندى قۋاتتايدى. اپپارات كۇننەن ەنەرگيا الاتىندىقتان دالا كەزىپ ءجۇرىپ ەركىن سەلفي جاساي بەرۋگە دە بولادى.
ءبىر اپتا ىشىندە قۇراستىرىپ شىققان ونەرتابىسىنا وقۋشى «عاجايى- قالپاق» دەگەن اتاۋ بەرگەن.
«مەن قالپاققا بەكىتىلگەن كۇن باتەرەياسىن پايدالاندىم. باتەرەيا تەلەفونمەن USB- پورت ارقىلى بايلانىستىرىلادى. ونداي جاعدايدا تەلەفوننىڭ قۋاتى ءبىر كۇنگە تولىقتاي جەتەدى»، - دەيدى رۋستام.
Stan.kz
