كيم چەن نامنىڭ ولىمىنە قاتىستى كۇدىكتىلەر سانى ارتۋدا

توكسيكولوگيالىق ساراپتاما ناتيجەسى دە ازىرگە دايىن ەمەس. بۇل تۋرالى مالايزيا ۇلتتىق پوليتسياسى باسشىسىنىڭ ورىنباسارى نۋر راشيد يبراحيم مالىمدەدى، دەپ حابارلايدى euronews.com. 14 اقپاندا كوز جۇمعان. ەر ادام كۋالا- لۋمپۋر اۋەجايىندا ءوزىن جايسىز سەزىنىپ، اۋرۋحاناعا بارار جولدا قايتىس بولدى. ك ح د ر ءمايىتتى سولتۇستىك كورەيلىك تاراپقا بەرۋ تۋرالى رەسمي ءوتىنىم جىبەردى.

الايدا مارقۇمنىڭ وتباسىنان ەشقانداي ءوتىنىش تۇسپەدى. مالايزيا پوليتسياسىنا كيم چەن نام تۋىستارىنان د ن ق سىنامالارىن الۋ قاجەت. «جاقىن تۋىستارى، اعا- قارىنداستارى، قىزدارى، جۇبايى... ولار تۋىس ەكەنىن ايعاقتايتىن دالەل كەلتىرۋى ءتيىس. ءالى كۇنگە دەيىن مارقۇمنىڭ وتباسى پولتسيادان ءمايىتتى سۇراعان جوق»، - دەدى پوليتسيا وكىلى.

تەرگەۋ اياسىندا ءتورت كۇدىكتى ۇستالدى: ەكى ايەل (ۆەتنامدىق پەن يندونەزيالىق) جانە ەكى ەر ادام (مالايزيالىق، سولتۇستىك كورەيلىك). مالايزيا قۇقىق قورعاۋ ورگاندارى سولتۇستىك كورەيانىڭ تاعى ءتورت ازاماتىنىڭ قىلمىسقا قاتىسى بار ەكەنىن انىقتادى. ولار وقيعا بولعان كۇنى مالايزيادان كەتىپ قالعان.