استاناداعى «حايۆيلل» تۇرعىن ءۇي كەشەنىنەن ءورت شىقتى - فوتو

استانا. قازاقپارات - 19 -اقپان كۇنى كەشكە استاناداعى «حايۆيلل» تۇرعىن ءۇي كەشەنىندە ءورت بولىپ، 150 ادام، سونىڭ ىشىندە 50 بالا قاۋىپسىز جەرگە شىعارىلدى، دەپ حابارلايدى قازاقپارات.

«ساعات 21.10-دا الماتى اۋدانى، قوشقاربايەۆ كوشەسى، 2 مەكەن جايىندا ورنالاسقان «حايۆيلل» تۇرعىن ءۇي كەشەنىنىڭ «ا-1» بلوگىندا ءتۇتىن شىعىپ جاتقاندىعى تۋرالى حابار كەلىپ ءتۇستى. انىقتالعانداي، ناسوستى بولمە- جايدا 60 شارشى مەتر اۋماقتا كابەل مەن قويماعا قويىلعان جيھازدار ورتەنىپ جاتتى.

ءتىلسىز جاۋ 22.14-تە ءوشىرىلىپ، 22.35-تە تولىعىمەن اۋىزدىقتالدى. ءورت سالدارىنان ىس ءتيىپ ۋلانعان 1996 -جىلى تۋعان ازاماتقا مەديتسينالىق كومەك كورسەتىلدى. 150 ادام قاۋىپسىز جەرگە كوشىرىلدى، ونىڭ 50 ى - بالالار»، - دەپ حابارلادى ق ر ءى ءى م توتەنشە جاعدايلار كوميتەتىنىڭ رەسمي وكىلى رۋسلان يمانقۇلوۆ. وقيعا ورنىندا استانالىق ورتكە قارسى قىزمەتىنىڭ 8 تەحنيكاسى مەن 35 ادامى، «102» جانە «103» قىزمەتتەرىنىڭ ماماندارى جۇمىس ىستەدى.










اۆتور: گۇلميرا الياكپاروۆا