قازاقستاننىڭ جەتى وبلىسىندا جولدار جابىلدى

استانا. قازاقپارات - اۋا رايىنىڭ قولايسىزدىعىنا بايلانىستى ەلىمىزدىڭ جەتى وبلىسىنداعى رەسپۋبليكالىق جولداردا كولىك قوزعالىسى شەكتەلدى، دەپ حابارلادى توتەنشە جاعدايلار كوميتەتىنەن.

استانا قالاسىندا بۇرقاسىن مەن جەلدىڭ كۇشەيۋىنە بايلانىستى "استانا- شۋچينسك- پاۆلودار" كۇرە جولى جابىلدى. قاراعاندى وبلىسىندا ساعات 13:00-دەن بەرى "قاراعاندى- اياگوز- بۇعاز" رەسپۋبليكالىق اۆتوجولدىڭ 60-217 شاقىرىمىنداعى "بوتاقارا- قارقارالى" ۋچاسكەسىندە بارلىق كولىكتەر ءۇشىن شەكتەۋ قويىلدى.

اقتوبە وبلىسىندا كەشە ساعات 13:00 دەن باستاپ اۋا رايىنىڭ قولايسىزدىعىنا بايلانىستى "اقتوبە- ورىنبور" تاس جولىنىڭ "مارتۇك- قۋرايلى" ۋچاسكەسىندە بارلىق كولىك تۇرلەرى ءۇشىن جول جابىق. سونىمەن قاتار ساعات 15:35-تەن باستاپ، "اقتوبە- اتىراۋ- استراحان" (11-92 شاقىرىمى، اقتوبە قالاسى- قاندىاعاش)، «سامارا- شىمكەنت» (718-615 شاقىرىمى، اقتوبە قالاسى- قوبدا) تاسجولى بارلىق كولىك تۇرلەرى ءۇشىن جابىق.

شىعىس قازاقستان وبلىسى بويىنشا، ساعات 14:30-دان باستاپ قاتتى بورانعا وراي، "ومبى- قاپشاعاي" تاسجولىنىڭ 756-900 شاقىرىمى، "سەمەي- قالباتاۋ" ۋچاسكەسى، سونىمەن قاتار "سەمەي- قاينار" ارالىعى بارلىق كولىكتەر ءۇشىن جابىلدى. پاۆلودار وبلىسىندا ساعات 15:45-تەن بەرى بورانعا بايلانىستى "لەنينسكيي- اقسۋ- كوكتوبە- اقجار- كۋرچاتوۆ" رەسپۋبليكالىق تاسجولى جابىلدى.

سونىمەن قاتار ءبىرقاتار وبلىستىق جولداردا شەكتەۋ ەنگىزىلدى. الماتى وبلىسىندا ساعات 10:15-دە بوران سالدارىنان "تالدىقورعان- قاپال" وبلىستىق تاسجولىندا كولىك قوزعالىسىنا تىيىم سالىندى. ال 16:00 دەن باستاپ، ء"ۇشارال- دوستىق" تاسجولىندا شەكتەۋ ەنگىزىلگەن. اقتوبە وبلىسىندا ساعات 15:00 كۇن رايىنىڭ قولايسىزدىعىنان، "دونسكوە- بادامشا"، "پەتروپاۆلوۆكا - حازرەتوۆكا" (0 - 36 شاقىرىمى)؛ «اقتوبە- رودنيكوۆكا- مارتۇك» (5 - 74 شاقىرىمى)؛ "پوكروۆكا- تەمىر- كەڭقياق- ەمدى" وبلىستىق ماڭىزداعى جولدار جابىلدى.

سولتۇستىك قازاقستان وبلىسىندا ساعات 15:00 باستاپ، اۋا رايىنىڭ ناشارلاۋىنا وراي، وبلىستىق ماڭىزداعى بارلىق جولدار كولىكتىڭ بارلىق تۇرلەرى ءۇشىن جابىلدى. شىعىس قازاقستاندا ساعات 17.02-دە «نوۆوپوكروۆكا- پەتروپاۆلوۆكا- زۋباير- بايتانانت» (0-41 شاقىرىمى) تاسجولىندا بارلىق كولىكتەر ءۇشىن قوزعالىس شەكتەلدى.

ساعات 14:00-دەن باستاپ، «سەمەي- كۋرچاتوۆ» (4-130 شاقىرىمى)، «سەمەي- قاراۋىل» (4-182 شاقىرىمى)، «سەمەي- دولون- بولشايا ۆلاديميروۆكا- سوسنوۆكا- قويانباي» (0-184)، ساعات 14.30-دا «دميترييەۆكا- بورودۋليحا- شەمونايحا» (0-87 شاقىرىمى)، «بورودۋليحا- جەزكەنت» (0-49 شاقىرىمى)، «ۆوسكرەسەنوۆكا- پەتروپاۆلوۆكا - شەلەحوۆو - بەلاعاش - دميترييەۆكا» » (0-64 شاقىرىمى)، «وسكەمەن- سەمەي» (ءشۇلبى- جاڭا ءشۇلبى) وبلىستىق جولدارىندا شەكتەۋ ەنگىزىلدى.

اۆتور: جاسۇلان جولدىبايەۆ