07:41, 20 - اقپان 2017 | GMT +5
امەريكالىق تاريحشىلار باراك وبامانىڭ ا ق ش پرەزيدەنتتەرى رەيتينگىندەگى دەڭگەيىن جاريالادى
استانا. قازاقپارات - امەريكالىق تاريحشىلار باراك وباماعا ا ق ش پرەزيدەنتتەرىنىڭ رەيتينگىندە 12 ورىندى بەردى، دەپ حابارلايدى Fox News تەلەارناسى C- SPAN زەرتتەۋ دەرەگىنە سىلتەمە جاساپ.
وباما ۆۋدرو ۆيلسون مەن دجەيمس مونرونىڭ ورتاسىندا تۇر. ونىڭ ءوز قابىلەتىنە سەندىرە ءبىلۋى، مورالدىق مارتەبەسى مەن حالىقتار تەڭدىگىن قامتاماسىز ەتۋگە ۇمتىلۋى جوعارى باعالاندى. وبامانىڭ ەكونوميكالىق رەتتەۋ سالاسىنداعى كورسەتكىشتەرى دە جاقسى.
الايدا، ماماندار ونىڭ كونگرەسپەن قارىم-قاتىناسىنا تومەن باعا بەردى. رەيتينگتە امەريكالىق قۇلداردى بوساتقان اۆراام لينكولن كوش باستاپ تۇر. ەكىنشى ورىندى ا ق ش- تىڭ تۇڭعىش پرەزيدەنتى دجوردج ۆاشينگتون يەلەنگەن. بۇرىن حابارلانعانداي، باراك وبامانىڭ اق ۇيدەن كەتەتىن ساتىندە ونى جاقتاۋ رەيتينگى 58 پايىزدى قۇراعان.
