پحەنيان مالايزيادان كيم چون نامنىڭ ءمايىتىن قايتارۋدى تالاپ ەتتى

ويتكەنى مالايزيا تاراپى ولىمگە قاتىستى كەيبىر دەرەكتەردى جاسىرۋى مۇمكىن. ەستەرىڭىزدە بولسا، وسى اپتانىڭ باسىندا سولتۇستىك كورەيانىڭ قازىرگى باسشىسىنىڭ اعاسى كيم چون نامدى كۋالا- لۋمپۋر قالاسىنداعى اۋەجايدا بەلگىسىز ەكى ايەل ۋلاپ ءولتىرىپ كەتكەن ەدى.

 قازىرگى ۋاقىتتا پوليتسيا ولىمگە قاتىسى بار دەپ، 2 ايەل مەن ءبىر جاس جىگىتتى ۇستادى. ال جەرگىلىكتى بيلىك پوليتسيا بارلىق قاجەتتى سوت- دارىگەرلىك تەكسەرۋدى جۇزەگە اسىرىپ بىتكەننەن كەيىن عانا مارقۇمنىڭ دەنەسىن ەلشىلىك ارقىلى جاقىندارىنا بەرەتىنىن ايتقان.

كان چحول، سولتۇستىك كورەيانىڭ مالايزياداعى ەلشىسى:

- ءمايىتحاناعا بارىپ، مارقۇمنىڭ ءبىزدىڭ ەلدىڭ ازاماتى ەكەنىن راستادىق. سودان كەيىن ول ينفاركتەن ءولدى دەگەندىكتەن، دارىگەرلىك ساراپتاما جاساۋعا قارسى بولعانبىز. ءبىراق وسىعان قاراماستان، تەكسەرۋ ءبىزدىڭ قاتىسۋىمىزسىز جاسالدى. ءبىز ساراپتاما قورىتىندىسىمەن كەلىسپەيمىز.

www.24.kz